Zebur 88

88-küy •••• Tum qarangghuluq

1Korahning oghulliri üchün yézilghan küy-naxsha: —

Neghmichilerning béshigha tapshurulup, «Maxalat-léanot» ahangida oqulsun dep, Ezraliq Héman yazghan «Masqil»: —

I Perwerdigar, nijatliqim bolghan Xuda,

Kéche-kündüz Sanga nale qilip keldim. 1

2Duayim Séning aldinggha kirip ijabet bolsun;

Nidayimgha qulaq salghaysen;

3Chünki derdlerdin jénim toyghan,

Hayatim tehtisaragha yéqinlashqan,

4Hanggha chüshüwatqanlar qatarida hésablinimen;

Küch-madari qurughan ademdek bolup qaldim.

5Ölüklerdin hechbir perqsizmen,

Тénim lehettiki murdidekla,

Untulghanmen ölüklerdek,

Qolungdin mehrum bolup tashlanghanmen ulardekla.2

6Sen méni hangning eng tégige,

Zulmetlik jaylargha, déngizning chongqur yerlirige chömdürdüng.

7Qehring üstümge éghir yüktek basti,

Barliq dolqunliring bilen méni qiyniding.

8Mendin dost-buraderlirimni yiraqlashturdung;

Ularni mendin yirgendürdüng;

Men qamalghanmen, héch chiqalmaymen.

9Közlirim azab-oqubettin xireleshti;

Her küni Sanga nida qilimen, i Perwerdigar,

Qollirimni Sanga kötürüp keldim.

10Ölüklerge möjize körsitersenmu?

Merhumlar ornidin turup Sanga teshekkür éytarmu?

11Özgermes muhebbiting qebride bayan qilinarmu?

Halaket diyarida sadiqliq-heqiqiting maxtilarmu?

12Karametliring zülmette tonularmu?

Heqqaniyliqing «untulush zémini»de bilinermu?

13Biraq men bolsam, Perwerdigar, Sanga peryad kötürimen,

Tang seherde duayim aldinggha kiridu.

14I Perwerdigar, némige jénimni tashliwetting?

Némige jamalingni mendin yoshurdung?

15Yashliqimdin tartip men ézilgen, bimardurmen;

Wehshetliringni körüwérip héch halim qalmidi.

16Qehring üstümdin ötti;

Wehimiliring méni nabut qildi.

17Ular kün boyi tashqin suliridek méni orawaldi,

Tamamen méni chömdürdi.

18Jan dost-aghinilirimni méningdin yiraqlashturdung,

Méning eziz dostum bolsa qarangghuluqtur! 3