Muqeddes Kalam (latin yéziq)
Zebur 86
86-küy •••• Yalghuzluqta, qiynalghan künde shapaet tilesh
Dawutning duasi:
Qulaq salghin, i Perwerdigar, manga jawab bergeysen;
Chünki men ézilgen we hajetmendurmen.
Jénimni saqlap qalghaysen,
Chünki men Sanga möminmen;
I Sen Xuda, Sanga tayan’ghan qulungni qutquzghaysen;
Manga méhir-shepqet körsetkeysen, i Reb,
Chünki men kün boyi Sanga nida qilimen.
Qulungning jénini shad qilghin,
Chünki jénim Sanga telmürüp qaraydu;
Chünki Sen méhriban, kechürümchan Reb Sen!
Özengge iltija qilghanlarning hemmisige zor méhir-muhebbet körsetküchidursen!
Méning duayimgha qulaq salghin, i Perwerdigar,
Yélinishlirimning sadasini anglighaysen;
Béshimgha kün chüshkende,
Men Sanga iltija qilimen,
Chünki Sen manga jawab bérisen. 1
Ilahlar arisida Séning tengdishing yoqtur, i Reb;
Qilghan ishliringningmu tengdishi yoqtur. 2 3
Sen yaratqan barliq eller kélip séning aldingda sejde qilidu, i Reb,
Namingni ulughlaydu.
Chünki Sen nahayiti büyüksen,
Möjizilerni Yaratquchidursen;
Sen Xudadursen, yiganidursen.
Séning heqqaniyliqingda yürüxümde,
Öz yolungni manga ügetkeysen I Perwerdigar!
Naminggha hörmet-eyminishte bolushum üchün, qelbimni pütün qilghaysen. 4
Pütün qelbim bilen medhileymen Rebbim Hudani,
Ebedil’ebed ulughlaymen namingni.
Chünki méhir-muhebbiting chongkur bolghaghⱪa manga,
Tehtisaraning tegliridin qutquzisen jénimni.
I Xuda, qarshi chiqip tekebburlar ger manga,
Esheddiyler jamaiti almaqqa jénimni anga,
Hem közge ilmaydu Seni! 5
We lekin Rebbim rehimdil ⱨem shepqetlik Ilah bolghach,
Ne achchuqi kiler.
Méhir-muhebbet hem heqiqet-sadiqliqing téship turidu. 6
Halimgha baq, manga shepqet eyligin,
Öz qulunggha medet bérip,
Dédikingning oghlini qutquzghaysen!
Iltipatingning bishariti bolsun, déseng;
Düshmenlirimni xuni körüshi bilen shermende qil i Perwerdigar,
Herqachan hemdemde bolup könglümni alding. Manga öchmenlerning uni körüp xijil bolushi üchün,
Iltipatingni körsitidighan bir alametni manga körsetkin;
Chünki Sen Perwerdigar, manga yardem qilding,
Manga teselli bérip kelgensen.
Source notes (6)
- Cross-reference ◘ Zeb. 18:6; 50:15; 55:16-17
- Footnote ◼ «Ilahlar arisida Séning tengdishing yoqtur, i Reb...» — bu ayet «ilahlar»ning heqiqiy mewjut ikenlikini étirap qilmaydu, elwette.
- Cross-reference ◘ Qan. 3:24; Zeb. 136:4
- Cross-reference ◘ Zeb. 25:4-5; 27:11; 119:33
- Cross-reference ◘ Zeb. 54:3-5
- Cross-reference ◘ Mis. 34:6; Chöl. 14:18; Neh. 9:17; Zeb. 103:8; 145:8; Yo. 2:13
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.