Muqeddes Kalam (latin yéziq)
Zebur 85
85-küy •••• Israilning üzül-késil towa qilishi üchün méhir-shepqet telep qilish
Neghmichilerning béshigha tapshurulup oqulsun dep, Korahning oghulliri üchün yézilghan küy: —
Sen Öz zémininggha iltipat körsitip,
Yaqupni sürgünlüktin qayturghaniding, i Perwerdigar.
Xelqingning qebihlikini kechürüm qilip,
Barliq gunahlirini yapqaniding.
Sélah.
Sen pütün qehringni ichingde sahlap,
Ghezipingning esheddiylikidin yan’ghanidingsen.
Emdi bizni Öz yéninggha qayturghaysen, i nijatliqimiz bolghan Xuda!
Bizge bolghan achchiqinggha hay bergeysen! 1
Sen bizge ebediy ghezeplinemsen?
Ewladtin-ewladqiche ghezipingni sozamsen?
Xelqing Özüngdin shadlinishi üchün,
Bizni qaytidin yéngilimamsen? 2
Bizge özgermes muhebbitingni körsetkeysen, i Perwerdigar,
Bizge nijatliqingni ata qilghaysen!
Némilerni der, Tengri Perwerdigarimgha qulaq salay;
Chünki eyleydu U aman-ésǝnlik helⱪige ⱨеm mɵminlirige;
Der ulargha qaytmanglar hamaqetlikke!
Zéminimizda shan-shöhretning turushi üchün,
Derheqiqet, Uningdin eyminidighanlargha Uning nijatliqi yéqindur;
Özgermes muhebbet we heqiqet özara körüshti;
Heqqaniyet we aman-xatirjemlik bir-birini söyüshti; 3 4
Heqiqet yerdin ünüp chiqmaqta,
Heqqaniyet ershlerdin qaraydu.
Perwerdigarning berikiti yaghsa,
Zéminimizmu mol hosulini bérer; 5
Heqqaniyet yol achar Uning aldida,
Uning qedemlirige yol hazirlaydu! 6
Source notes (6)
- Footnote ◼ «Emdi bizni Öz yéninggha qayturghaysen, i nijatliqimiz bolghan Xuda! Bizge bolghan achchiqinggha hay bergeysen!» — Xudaning Israilgha rehimdilliq körsitiwatqinini körüp (3-ayetni körüng), mushu küyning muellipi Xudadin Israilni üzül-késil towa qildurghaysen, ularni Öz yéninggha, shundaqla Öz yurtigha qayturghaysen, dep dua qilishni bashlaydu.
- Cross-reference ◘ Zeb. 71:20; 80:18; 138:7
- Footnote ◼ «Özgermes muhebbet we heqiqet özara körüshti; heqqaniyet we aman-xatirjemlik bir-birini söyüshti» — bu sirliq sözler shübhisizki, Mesihning özini qurbanliq qilghinida, emelge ashuruldi.
- Cross-reference ◘ Ibr. 7:2
- Cross-reference ◘ Zeb. 67:6
- Footnote ◼ «Heqqaniyet Uning aldida mangidu, Uning qedemlirige yol hazirlaydu!» — yene birxil terjimisi: «Heqqaniyet Uning aldida mangidu, hem özini Uning qedemlirige ornitidu».
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.