Zebur 145

145-küy •••• Xudaning qilghan ulugh emellirini kéyinki ewladqa bayan qilish •••• «Élipbe tertipilik» küy

1Medhiye: Dawut yazghan küy: —

|א| Men Séni medhiyilep ulughlaymen, Xudayim, i Padishah;

Naminggha ebedil’ebedgiche teshekkür-medhiye qayturimen.

2|ב| Herküni Sanga teshekkür-medhiye qayturimen,

Naminggha ebedil’ebedgiche medhiye oquymen!

3|ג| Ulughdur Perwerdigar, zor medhiyilerge layiqtur!

Uning ulughluqini sürüshtürüp bolghili bolmas; 1

4|ד| Bir dewr yéngi bir dewrge Séning qilghanliringni maxtaydu;

Ular qudretlik qilghanliringni jakarlaydu; 2

5|ה| Men heywitingning shereplik julaliqini,

We karamet möjiziliringni séghinip sözleymen;

6|ו|: Shuning bilen ular qorqunchluq ishliringning qudritini bayan qilidu;

Menmu ulugh emelliringni jakarlaymen!

7|ז| Ular zor méhribanliqingni eslep, uni mubareklep tarqitidu,

Heqqanliyliqing toghruluq yuqiri awazda küyleydu. 3

8|ח| Perwerdigar méhir-shepqetlik hem rehimdildur;

Asan ghezeplenmeydu, U zor méhir-muhebbetliktur; 4

9|ט| Perwerdigar hemmige méhribandur;

Uning rehimdilliqliri barche yaratqanlirining üstididur;

10|י| Séning barliq yasighanliring Séni medhiyileydu, i Perwerdigar,

Séning mömin bendiliring Sanga teshekkür-medhiye qayturidu.

11|כ| Ular padishahliqingning sheripidin xewer yetküzidu,

Küch-qudritingni sözleydu;

12|ל| Shundaq qilip insan balilirigha qudretlik ishliring,

Padishahliqingning shereplik heywisi ayan qilinidu.

13|מ| Séning padishahliqing ebediy padishahliqtur,

Selteniting ewladtin-ewladqichidur. 5

14|ס| Perwerdigar yiqilay dégenlerning hemmisini yöleydu,

Égilip qalghanlarning hemmisini turghuzidu.

15|ע| Hemmeylenning közliri Sanga tikilip kütidu;

Ulargha öz waqtida rizqini teqsim qilip bérisen; 6

16|פ| Qolungni échishing bilenla,

Barliq jan igilirining arzusini qandurisen.

17|צ| Perwerdigar barliq yollirida heqqaniydur,

Yasighanlirining hemmisige muhebbetliktur.

18|ק| Perwerdigar Özige nida qilghanlarning hemmisige yéqindur,

Özige heqiqette nida qilghanlarning hemmisige yéqindur;

19|ר| U Özidin eyminidighanlarning arzusini emelge ashuridu;

Ularning peryadini anglap ularni qutquzidu.

20|ש| Perwerdigar Özini söygenlerning hemmisidin xewer alidu;

Rezillerning hemmisini yoqitidu.

21|ת| Aghzim Perwerdigarning medhiyisini éytidu;

Barliq et igiliri ebedil’ebed uning muqeddes namigha teshekkür-medhiye qayturghay!