Zebur 146

146-küy •••• Xuda medhiyilensun!

1Hemdusana!

I jénim, Perwerdigarni medhiyile!

2Men hayat bolsamla, Perwerdigarni medhiyileymen;

Wujudum bar bolsila Xudayimgha küy éytimen.

3Ésilzadilergimu,

Insan balisighimu tayanmanglar,

Ularda héch medet-nijatliq yoqtur. 1

4Mana, uning nepisi kétidu,

U öz tupriqigha qaytip kétidu;

Shu kündila arzu-niyetliri yoqap kétidu. 2

5Yaqupning Tengrisi medetkari bolghan adem,

Perwerdigar Xudasini öz ümidi qilghan adem bextliktur!

6U asmanlarni, zéminni,

Déngizni hem uningda bar mewjudatlarni yaratqandur;

U heqiqet-sadaqette menggü turidu;

7Ézilgüchiler üchün U höküm süridu;

Ach qalghanlargha nan béridu.

Perwerdigar mehbuslarni azad qilidu;

8Perwerdigar korlarning közlirini achidu;

Perwerdigar égilip qalghanlarni turghuzidu;

Perwerdigar heqqaniylarni söyidu. 3

9Perwerdigar musapirlardin xewer alidu;

Yétim-yésirlerni, tul xotunni yöleydu;

Biraq rezillerning yolini egri-bügri qilidu.

10Perwerdigar menggüge höküm süridu;

I Zion, séning Xudaying dewrdin-dewrgiche höküm süridu!

Hemdusana! 4