Muqeddes Kalam (latin yéziq)
Zebur 141
141-küy •••• Rezillik bilen muresse qilghili bolmaydu
Dawut yazghan küy: —
Perwerdigar, men Sanga nida qildim;
Yénimgha tézdin kelgeysen;
Sanga nida qilghinimda awazimni anglighaysen.
Duayimni anglighiningda, Sanga sunulghan xushbuydek yéqimliq bolsun,
Qolumning kötürülüshi sunulghan kechlik qurbanliqtek qobul bolsun. 1 2
Aghzim aldida közetchi turghuzghaysen, i Perwerdigar;
Lewlirim derwazisini saqlighaysen;
Könglümni héchqandaq yaman ishqa,
Qebihlik qilghuchilargha shérik bolup, rezillik qilishqa mayil qilmighaysen.
Méni ularning németliridin héch yégüzmigeysen!
Heqqaniy adem méni ursun —
Bu manga méhribanliqtur;
Manga tenbih bersun —
Bu bolsa, béshim ret qilmaydighan, quyulghan ésil maydek bolidu.
Chünki méning duayim yenila shularning rezilliklirige qarshi bolidu. 3
Ularning hakimliri tik yarlardin tashliwétilgende,
Xelq méning sözlirimni anglaydu;
Chünki bu sözler shérindur. 4
Birsi otun yarghanda yerge chéchilghan yérindilardek,
Mana, ustixanlirimiz tehtisara ishiki aldida chéchiwétildi; 5 6
Berheq, közlirim Sangila tikilip qaraydu, Perwerdigar Rebbim;
Sanga tayinimen;
Jénimni xarab qilip tashliwetmigeysen.
Ularning manga salghan qiltiqidin,
Qebihlik qilghuchilarning tuzaqliridin méni saqlighaysen;
Reziller özining torlirigha yiqilsun,
Men bolsam — ötüp kétimen.
Source notes (6)
- Footnote ◼ «Qolumning kötürülüshi sunulghan kechlik qurbanliqtek qobul bolsun» — yaki «Qolumning kötürülüshi sunulghan kechlik ashliq hediyesidek qobul bolsun» — ibadetxanida kahinlar kechlik qurbanliq yaki hediye sunushtin awwal, qoli bilen shu qurbanliq-hediyelerni Xuda aldida kötüretti.
- Cross-reference ◘ Mis. 29:30; Weh. 5:8; 8:3
- Footnote ◼ «Chünki méning duayim yenila shularning rezilliklirige qarshi bolidu» — bashqa birxil terjimisi: «Chünki méning duayim ulargha (rezillerge) külpet chüshkende ular üchün dawamlishiwéridu» (ibraniy tilida «yamanliq» hem «külpet» bir söz bilen ipadilinidu).
- Footnote ◼ «Xelq méning sözlirimni anglaydu; chünki bu sözler shérindur» — «shérin» belkim mushu yerde «jayida, orunluq» dégen menide.
- Footnote ◼ «Birsi otun yarghanda yerge chéchilghan yérindilardek, mana, ustixanlirimiz tehtisara ishiki aldida chéchiwétildi» — ayetning birnechche terjimiliri bar. Ibraniy tilidiki nusxisida, mushu söz intayin ixcham bolup, chüshinish tes.
- Cross-reference ◘ Ez. 37:1,11,12
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.