Muqeddes Kalam (latin yéziq)
Zebur 142
142-küy •••• Yar-yöleksizliktiki dua
Dawut gharda yoshurunup turghan waqitta yazghan «Masqil»: —
Men Perwerdigargha awazimni anglitip nale-peryad kötürimen;
Perwerdigargha awazim bilen yélinimen; 1
Uning aldida dad-zarlirimni tökimen;
Uninggha awarichilikimni éytimen.
Rohim ichimde tügishey dep qalghanda,
Shu chaghda basqan yolumni bilgensen;
Men mangghan yolda ular manga qiltaq saldi. 2
Ong yénimgha qarap baqqaysen;
Etrapimda méni tonuydighan adem yoqtur;
Panahgah yoqap ketti;
Héch adem jénimgha köyünmeydu.
Men Sanga peryad kötürdüm, i Perwerdigar;
Sanga: «Sen méning Bashpanahimsen,
Tiriklerning zéminida bolghan Nésiwemdursen» — dédim. 3
Méning peryadimgha qulaq salghaysen;
Chünki men intayin xarab ehwalgha chüshürüldum;
Méni qoghlighuchilirimdin qutuldurghaysen;
Chünki ular mendin küchlüktur. 4
Séning namingni tebriklishim üchün,
Jénimni türmidin chiqarghaysen;
Heqqaniylar etrapimda olishidu;
Chünki Sen manga zor méhribanliq körsitisen.
Source notes (4)
- Footnote ◼ «Dawut gharda yoshurunup turghan waqitta yazghan «Masqil»: —....» — Dawut peyghember Saul padishahtin qéchip, ikki qétim gharda yoshurun’ghan waqtidiki weqeler «Tewrat, «1Sam.» -22- hem 24-babta yézlighan.
- Cross-reference ◘ Zeb. 77:3
- Cross-reference ◘ Zeb. 16:5
- Cross-reference ◘ Zeb. 41:2; 79:8; 116:6
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.