Muqeddes Kalam (latin yéziq)

Zebur 136

136-küy •••• Perwerdigarning muhebbitige teshekkür éytinglar!

Perwerdigargha teshekkür éytinglar, U méhribandur;

Chünki Uning muhebbiti menggülüktur;

Ilahlarning ilahigha teshekkür éytinglar,

Chünki Uning muhebbiti menggülüktur; 1

Reblerning Rebbige teshekkür éytinglar,

Chünki Uning muhebbiti menggülüktur;

Zor karametlerni birdinbir Yürgüzgüchige teshekkür éytinglar,

Chünki Uning muhebbiti menggülüktur;

Eqil-paraset arqiliq asmanlarni Yasighuchigha teshekkür éytinglar,

Chünki Uning muhebbiti menggülüktur; 2

Zéminni sular üstide sozup Turghuzghuchigha teshekkür éytinglar,

Chünki Uning muhebbiti menggülüktur; 3

Ulugh nur jisimlirini Yasighuchigha teshekkür éytinglar,

Chünki Uning muhebbiti menggülüktur; 4

Kündüzni bashquridighan quyashni Yasighuchigha teshekkür éytinglar,

Chünki Uning muhebbiti menggülüktur; 5

Kéchini bashquridighan ay hem yultuzlarni Yasighuchigha teshekkür éytinglar,

Chünki Uning muhebbiti menggülüktur;

Ularning tunjilirini urup, Misirgha zerb bergüchige teshekkür éytinglar,

Chünki Uning muhebbiti menggülüktur; 6

Israilni ular arisidin chiqarghuchigha teshekkür éytinglar,

Chünki Uning muhebbiti menggülüktur; 7

Küchlük qol hem uzatqan bilek bilen ularni Chiqarghuchigha teshekkür éytinglar,

Chünki Uning muhebbiti menggülüktur; 8

Qizil Déngizni bölek-bölek Bölgüchige teshekkür éytinglar,

Chünki Uning muhebbiti menggülüktur; 9

Hem Israilni uning otturisidin Ötküzgüchige teshekkür éytinglar,

Chünki Uning muhebbiti menggülüktur;

Qizil Déngizda Pirewnni qoshunliri bilen süpürüp tashlighuchigha teshekkür éytinglar,

Chünki Uning muhebbiti menggülüktur; 10

Öz xelqini chöl-bayawandin Yétekligüchige teshekkür éytinglar,

Chünki Uning muhebbiti menggülüktur; 11

Büyük padishahlarni Uruwetküchige teshekkür éytinglar,

Chünki Uning muhebbiti menggülüktur; 12

Hem meshhur padishahlarni Öltürgüchige teshekkür éytinglar,

Chünki Uning muhebbiti menggülüktur;

Jümlidin Amoriylarning padishahi Sihonni Öltürgüchige teshekkür éytinglar,

Chünki Uning muhebbiti menggülüktur;

— Hem Bashan padishahi Ogni Öltürgüchige teshekkür éytinglar,

Chünki Uning muhebbiti menggülüktur; 13

Ularning zéminini miras üchün Bergüchige teshekkür éytinglar,

Chünki Uning muhebbiti menggülüktur; 14

Buni bendisi Israilgha miras qilip bergüchige teshekkür éytinglar,

Chünki Uning muhebbiti menggülüktur;

Halimiz xarab ehwalda, bizlerni Esligüchige teshekkür éytinglar,

Chünki Uning muhebbiti menggülüktur;

Bizni ezgenlerdin Qutuldurghuchigha teshekkür éytinglar,

Chünki Uning muhebbiti menggülüktur; 15 16

Barliq et igilirige ozuq Bergüchige teshekkür éytinglar,

Chünki Uning muhebbiti menggülüktur;

Ershlerdiki Tengrige teshekkür éytinglar,

Chünki Uning muhebbiti menggülüktur!

Source notes (16)

Footnote ◼ «Ilahlarning ilahigha teshekkür éytinglar» — «ilahlar» toghruluq 95:3 we izahatini körüng.
Cross-reference ◘ Yar. 1:1
Cross-reference ◘ Zeb. 24:1-2
Cross-reference ◘ Yar. 1:14
Cross-reference ◘ Yar. 1:16
Cross-reference ◘ Mis. 12:29; Zeb. 78:43,51
Cross-reference ◘ Mis. 12:31,51; 13:3,17
Cross-reference ◘ Mis. 6:6
Cross-reference ◘ Mis. 14:21,22; Zeb. 78:13
Cross-reference ◘ Mis. 14:24
Cross-reference ◘ Mis. 15,16,17,19; Zeb. 78:52
Cross-reference ◘ Chöl. 21:24,25,34,35; Ye. 12:1; Zeb. 135:10,11
Cross-reference ◘ Qan. 3:1-7
Cross-reference ◘ Ye. 12:6
Footnote ◼ «Qutuldurghuchi» — ibraniy tilida «Yirtip chiqquchi».
Cross-reference ◘ Lam. 5:8

Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.