Muqeddes Kalam (latin yéziq)
Zebur 135
135-küy •••• Xudaning qilghan ulugh emelliri üchün ibadet
Hemdusana! Perwerdigarning namini medhiyilenglar,
Uni medhiyilenglar, Perwerdigarning qulliri!
Uni medhiyilenglar, Perwerdigarning öyide turghanlar,
Xudayimizning hoylilirida turghanlar!
Yahni medhiyilenglar, chünki Perwerdigar méhribandur;
Uning namigha küy éytinglar;
Chünki mushundaq qilish shérindur;
Chünki Yah Yaqupni Öziningki bolushqa,
Israilni Öz mirasi bolushqa talliwaldi. 1
Chünki özüm bilimenki, Perwerdigar ulughdur;
Rebbimiz barliq ilahlardin üstündur. 2
Perwerdigar néme ishni muwapiq körgen bolsa,
U asmanlarda,
Zéminda,
Déngizlarda hem uning barliq tegliridimu shuni qilghandur.
U yer chetliridin bulut-tumanlarni örlitidu;
Yamghurlargha chaqmaqlarni hemrah qilidu;
Shamalni Öz xeziniliridin chiqiridu. 3
U Misirdiki tunji oghullarni halak qildi,
Insanlarning bolsun, haywanlarning bolsun hemmini urup halak qildi. 4
U alametlerni, möjizilerni aranglargha ewetti, i Misir;
Pirewn we uning hemme qulliri üstige ewetti. 5
U ulugh ellerni uruwetti,
Qudretlik padishahlarni öltürüwetti; 6
Amoriylarning padishahi Sihonni,
Bashanning padishahi Ogni,
Qanaandiki barliq padishahliqlarni uruwetti.
Ularning zéminini miras qilip,
Öz xelqi Israilgha miras bolushqa teqdim qildi. 7
Séning naming, Perwerdigar, menggüge,
Shöhret-xatireng dewrdin-dewrgichidur. 8
Chünki Perwerdigar Öz xelqining dewasini soraydu;
Öz qullirigha rehim qilidu. 9
Ellerning butliri bolsa peqetla kümüsh-altundin ibarettur,
Ularni insanning qolliri yasighandur, xalas. 10
Ularning aghzi bar, biraq sözlimeydu;
Közliri bar, biraq körmeydu;
Qulaqliri bar, biraq anglimaydu,
Aghzida héch nepes yoqtur.
Ularni yasighanlar ulargha oxshap qalidu,
Ulargha tayan’ghanlarmu shundaqtur.
Israil jemeti, Perwerdigargha teshekkür-medhiye qayturunglar;
Harun jemeti, Perwerdigargha teshekkür-medhiye qayturunglar;
Lawiy jemeti, Perwerdigargha teshekkür-medhiye qayturunglar;
Perwerdigardin qorqidighanlar, Perwerdigargha teshekkür-medhiye qayturunglar!
Yérusalémda makanlashqan Perwerdigargha Ziondin teshekkür-medhiye éytilghay!
Hemdusana!
Source notes (10)
- Cross-reference ◘ Mis. 19:5; Qan. 7:6; Tit. 2:14; 1Pét. 2:9
- Footnote ◼ «Perwerdigar... barliq ilahlardin üstündur» — bu ayet «ilahlar»ning heqiqiy mewjut ikenlikini étirap qilmaydu, elwette. 95:3 we izahatini körüng.
- Cross-reference ◘ Yer. 10:13; 51:16
- Cross-reference ◘ Mis. 12:12,29; Zeb. 78:51
- Cross-reference ◘ Mis. 7,8,9,10,14
- Cross-reference ◘ Ye. 12
- Cross-reference ◘ Zeb. 78:55
- Cross-reference ◘ Mis. 3:15, Zeb. 102:12
- Cross-reference ◘ Qan. 32:36, Zeb. 90:13
- Cross-reference ◘ Zeb. 115:4
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.