Муқеддес Калам (кирил йезиқ)

Зәбур 60

60-күй •••• «Мәндин жуқури Қорам Таш»

Нәғмичиләрниң бешиға тапшурулуп, тарлиқ сазлар билән оқулсун дәп Давут язған күй: —

И Худа, пәрядимни аңлиғайсән;

Дуайимға қулақ салғайсән!

Йәрниң чәт-чәтлиридә туруп,

Жүригим зәиплишип кәткәндә,

Мән Саңа мураҗиәт қилимән: —

Сән мени өзүмдин жуқури Қорам Ташқа йетәкләйсән! 1

Чүнки Сән маңа панаһгаһ,

Дүшминим алдида мустәһкәм мунар болуп кәлгәнсән.

Мән чедириңни мәңгүлүк туралғум қилимән;

Қанатлириң сайисидә панаһ тапимән.

Селаһ.

Чүнки Сән, и Худа, қәсәмлиримни аңлидиң;

Өзүңдин әйминидиғанларға тәвә мирасни маңиму бәрдиңсән. 2

Падишаһниң күнлиригә күн қошуп узартисән;

Униң жиллири дәвирдин-дәвиргичә болиду. 3

У Худаниң алдида мәңгү һөкүм сүриду;

Уни аман сақлашқа муһәббәт вә һәқиқәтни бекитип тәминлигәйсән;

Шуниң билән алдиңда ичкән қәсәмлиримгә һәр күни әмәл қилимән;

Мән намиңни мәңгү күйләймән!

Source notes (3)

Footnote ◼ «Мән өзүмдиндин жуқури Қорам Таш» — Худани көрситиду, әлвәттә. «Мәндин жуқури» дегән ибарә бәлким Давутниң гәрчә падиша болсиму, «Өзүмни наһайити үстүн, қабиләтлик адәм һесаплимаймән, һәрдайим Худадин йол соришим керәк» дегәндәк, һәммимизни кичик пеиллиқ болушқа, үндәйду.
Footnote ◼ «Өзүңдин әйминидиғанларға тәвә мирас...» — ибраний тилида «Намиңдин әйминидиғанларға тәвә мирас...».
Footnote ◼ «Падишаһниң күнлиригә күн қошуп узартисән; униң жиллири дәвирдин-дәвиргичә болиду» — Давут өзи Исраилға падиша болуп қириқ жил һөкүм сүргән. Шүбһисизки, у бу йәрдә өз әвлади болидиған Қутқузғучи-Мәсиһ тоғрилиқ бешарәт бериду.

Муқеддес Калам (кирил йезиқ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.