Зәбур 148

148-күй •••• Пүткүл аләм, Пәрвәрдигарни улуқлаңлар!

1Һәмдусана!

Пәрвәрдигарни асманлардин мәдһийиләңлар;

Жуқири җайларда Уни мәдһийиләңлар; 1

2Уни мәдһийиләңлар, барлиқ пәриштилири;

Уни мәдһийиләңлар, барлиқ қошунлири!

3Уни мәдһийиләңлар, и қуяш һәм ай,

Уни мәдһийиләңлар, һәммә парлақ юлтузлар;

4Уни мәдһийиләңлар, асманларниң асманлири,

Асмандин жуқури җайлашқан сулар!

5Булар Пәрвәрдигарниң намини мәдһийилигәй;

Чүнки У буйруған һаман, улар яратилғандур; 2

6У уларни әбәдил-әбәткичә турғузди;

Улар үчүн вақти өтмәйдиған бәлгүлимини буйруған. 3

7Пәрвәрдигарни зиминдин мәдһийиләңлар,

Деңиздики барлиқ әҗдиһалар, деңизниң барлиқ тәглири;

8От, мөлдүз, қар, туман,

Униң сөзигә әмәл қилидиған җудунлуқ шамал;

9Тағлар һәм барлиқ дөңләр,

Мевилик дәрәқләр, барлиқ кедир дәрәқлири,

10Явайи һайванлар, барлиқ мал-варанлар,

Өмилигүчиләр һәм учар-қанатлар;

11Җаһан падишалири вә барлиқ қовмлар,

Әмирләр һәм йәр йүзидики барлиқ һаким-сотчилар;

12Һәм жигитләр һәм қизлар,

Бовайлар вә яшлар, —

13Һәммиси Пәрвәрдигарниң намини мәдһийилигәй;

Чүнки пәқәтла Униң нами алийдур;

Униң һәйвити йәр һәм асмандин үстүн туриду. 4

14Һәм У Өз хәлқиниң мүңгүзини,

Йәни барлиқ муқәддәс бәндилириниң мәдһийисини егиз көтәргүзгән;

Улар Исраил балилири,

Өзигә йеқин бир хәлиқтур!

Һәмдусана! 5 6