Зәбур 144

144-күй •••• Худаниң қилған улуқ әмәллирини кейинки әвлатқа баян қилиш •••• «Елипбә тәртивилик» күй

1Мәдһийә: Давут язған күй: —

|א| Мән Сени мәдһийиләп улуқлаймән, Худайим, и Падишаһ;

Намиңға әбәдил-әбәткичә тәшәккүр-мәдһийә қайтуримән.

2|ב| һәр күни Саңа тәшәккүр-мәдһийә қайтуримән,

Намиңға әбәдил-әбәткичә мәдһийә оқуймән!

3|ג| Улуқдур Пәрвәрдигар, зор мәдһийиләргә лайиқтур!

Униң улуқлуғини сүрүштүрүп болғили болмас; 1

4|ד| Бир дәвир йеңи бир дәвиргә Сениң қилғанлириңни махтайду;

Улар қудрәтлик қилғанлириңни җакалайду; 2

5|ה| Мән һәйвитиңниң шәрәплик җулалиқини,

Вә карамәт мөҗизилириңни сеғинип сөзләймән;

6|ו|: Шуниң билән улар қорқунучлуқ ишлириңниң қудритини баян қилиду;

Мәнму улуқ әмәллириңни җакалаймән!

7|ז| Улар зор меһриванлиғиңни әсләп, уни мубарәкләп тарқитиду,

Һәққанлийлиғиң тоғрилиқ жуқури авазда күйләйду. 3

8|ח| Пәрвәрдигар меһир-шәпқәтлик һәм рәһимдилдур;

Асан ғәзәпләнмәйду, У зор меһир-муһәббәтликтур; 4

9|ט| Пәрвәрдигар һәммигә меһривандур;

Униң рәһимдиллиқлири барчә яратқанлириниң үстидидур;

10|י| Сениң барлиқ ясиғанлириң Сени мәдһийиләйду, и Пәрвәрдигар,

Сениң мөмин бәндилириң Саңа тәшәккүр-мәдһийә қайтуриду.

11|כ| Улар падишалиғиңниң шәривидин хәвәр йәткүзиду,

Күч-қудритиңни сөзләйду;

12|ל| Шундақ қилип инсан балилириға қудрәтлик ишлириң,

Падишаһлиғиңниң шәрәплик һәйвиси аян қилиниду.

13|מ| Сениң падишалиғиң әбәдий падишалиқтур,

Сәлтәнитиң әвлаттин-әвлатқичидур. 5

14|ס| Пәрвәрдигар жиқилай дегәнләрниң һәммисини йөләйду,

Егилип қалғанларниң һәммисини турғузиду.

15|ע| Һәммәйләнниң көзлири Саңа тикилип күтиду;

Уларға өз вақтида рисқини тәқсим қилип берисән; 6

16|פ| Қолуңни ечишиң биләнла,

Барлиқ җан егилириниң арзусини қандурисән.

17|צ| Пәрвәрдигар барлиқ йоллирида һәққанийдур,

Ясиғанлириниң һәммисигә муһәббәтликтур.

18|ק| Пәрвәрдигар Өзигә нида қилғанларниң һәммисигә йеқиндур,

Өзигә һәқиқәттә нида қилғанларниң һәммисигә йеқиндур;

19|ר| У Өзидин әйминидиғанларниң арзусини әмәлгә ашуриду;

Уларниң пәрядини аңлап уларни қутқузиду.

20|ש| Пәрвәрдигар Өзини сөйгәнләрниң һәммисидин хәвәр алиду;

Рәзилләрниң һәммисини йоқитиду.

21|ת| Ағзим Пәрвәрдигарниң мәдһийисини ейтиду;

Барлиқ әт егилири әбәдил-әбәт униң муқәддәс намиға тәшәккүр-мәдһийә қайтурғай!