Зәбур 124

124-күй •••• Худаниң зор һимайиси

1«Жуқириға чиқиш нахшиси»

Пәрвәрдигарға таянғанлар Зион теғидәктур;

Уни тәврәткили болмайду,

У мәңгүлүк туриду.

2Йерусалим! Тағлар униң әтрапини оруған,

Һәм Пәрвәрдигар һазирдин та әбәткичә Өз хәлқиниң әтрапини орайду.

3Чүнки рәзилләрниң һоқуқ һасиси һәққанийларниң несивисиниң үстидә туруп қалмас;

Болмиса һәққанийларму қоллирини қәбиһликкә узартиши мүмкин.

4Пәрвәрдигар, меһриванларға меһриванлиқ қилғайсән;

Көңли дурусларғиму шундақ болсун.

5Бирақ әгир йолларға бурулуп кәткәнләрни болса,

Пәрвәрдигар уларни қәбиһлик қилғучилар билән тәң шаллайду.

Исраилға аман-хатирҗәмлик болғай!