Зәбур 123

123-күй •••• Қутулуш үчүн рәхмәтләр

1«Жуқириға чиқиш нахшиси»

Әгәр биз тәрәптә турғини Пәрвәрдигар болмиған болса,

— Аһ, Исраил шундақ десун —

2Биз тәрәптә турғини Пәрвәрдигар болмиған болса,

Кишиләр бизгә һуҗумға қозғалғанда,

3Уларниң ғәзиви бизгә туташқанда,

— Шу чағда улар бизни тирик жутуветәтти;

4Шу чағда сулар бизни ғәриқ қиливетәтти;

Кәлкүн бешимиздин өтәтти;

5Давалғуған сулар бешимиздин өтәтти!

6Пәрвәрдигарға тәшәккүр-мәдһийә болғай!

Уларниң чишлириға ов болушқа бизни қоюп бәрмиди.

7Җенимиз тутқучиларниң басмиқидин қечип чиққан қуштәк қачти;

Басмақ сундурулуп, биз қачтуқ! 1

8Еришкән ярдимимиз Пәрвәрдигарниң намидидур,

Асман-зимин Яратқучиниң намидидур! 2