Пәнд-несиһәтләр 12

1Кимки тәрбийини қәдирлисә, билимниму сөйгүчидур;

Лекин тәнбиһкә нәпрәтләнгән надан-һамақәттур.

2Яхши нийәтлик адәм Пәрвәрдигарниң илтипатиға еришәр;

Амма Пәрвәрдигар һейлә-микирлик адәмниң гунайини бекитәр.

3Адәмләр яманлиқ қилип аманлиқ тапалмас;

Лекин һәққанийларниң йилтизи тәврәнмәс. 1

4Пәзиләтлик аял ериниң таҗидур;

Амма уни уятқа салғучи хотун униң устихинини чиритәр. 2

5Һәққаний адәмниң ой-пикри дурус һөкүм чиқирар;

Яманларниң несиһәтлири мәккарлиқтур. 3

6Яманларниң сөзлири қан төкидиған қилтақтур;

Лекин дурусниң сөзи адәмни қилтақтин қутулдурар. 4

7Яманлар ағдурулуп, йоқилар;

Лекин һәққанийларниң өйи мәзмут турар. 5 6

8Адәм өз зериклиги билән махташқа сазавәр болар;

Әгир нийәтлик киши көзгә илинмас.

9Пеқир туруп хизмәткари бар киши,

Өзини чоң тутуп ач жүргән кишидин яхшидур. 7

10Һәққаний адәм өз улиғиниму асрар;

Амма рәзил адәмниң болса һәтта рәһимдиллиғиму залимлиқтур. 8

11Тиришип териқчилиқ қилған деханниң қосиғи тоқ болар;

Амма хам хиялларға берилгән кишиниң әқли йоқтур. 9

12Яман адәм яманлиқ қилтиғини көзләп олтирар;

Амма һәққаний адәмниң йилтизи мевә берип турар.

13Яман адәм өз ағзиниң гунайидин тутулар;

Һәққаний адәм мушәққәт-қийинчилиқтин қутулар. 10 11

14Адәм өз ағзиниң мевисидин қанаәт тапар;

Өз қоли билән қилғанлиридин униңға яндурулар. 12

15Ахмақ өз йолини тоғра дәп биләр;

Амма дәвәткә қулақ салған киши ақиланидур. 13

16Ахмақниң аччиғи кәлсә, тезла билинәр;

Зерәк киши һақарәткә сәвир қилар, сәтчиликни ашкарилимас. 14

17Һәқиқәтни ейтқан кишидин адаләт билинәр;

Ялған гувалиқ қилғучидин алдамчилиқ билинәр. 15

18Бәзлиләрниң йениклик билән ейтқан гепи адәмгә санҗилған қиличқа охшар;

Бирақ ақиланиниң тили дәрдкә дәрмандур. 16

19Растчил мәңгү турғузулиду;

Ләвзи ялған болса бирдәмликтур. 17

20Яманлиқниң койида жүргүчиниң көңлидә һейлә сақланғандур;

Аманлиқни дәвәт қилғучилар хошаллиққа чөмәр.

21Һәққаний адәмниң бешиға һеч күлпәт чүшмәс;

Қәбиһләр балаю-қазаға чөмүләр.

22Ялған сөзләйдиғанниң ләвлири Пәрвәрдигарға жиркиничликтур;

Лекин ләвзидә турғанларға У апирин ейтар.

23Пәмлик адәм билимини йошурар;

Бирақ ахмақ наданлиғини җакалар. 18

24Тиришчан қол һоқуқ тутар;

Һорун қол алванға тутулар. 19

25Көңүлниң ғәм-әндишиси кишини мүкчәйтәр;

Лекин меһриванә бир сөз кишини роһландурар. 20

26Һәққаний киши өз дости билән биргә йол издәр;

Бирақ яманларниң йоли өзлирини адаштурар. 21

27Һорун өзи тутқан овни пиширип йейәлмәс;

Бирақ әтиварлиқ байлиқлар тиришчанға мәнсуптур. 22

28Һәққанийлиқниң йолида һаят тепилар;

Шу йолда өлүм көрүнмәстур.