Пәнд-несиһәтләр 13

1Дана оғул атисиниң тәрбийисигә көңүл қояр;

Мәсқирә қилғучи тәнбиһкә қулақ салмас.

2Адәм дурус еғизиниң мевисидин һозурлинар;

Тузкорлар зораванлиққа һәвәс қилип зораванлиққа учрар. 1

3Сөздә еһтиятчан киши җенини сақлап қалар;

Ағзи иштик һалакәткә учрар.

4Һорунниң арзу-тилиги бар, лекин еришәлмәс;

Лекин тиришчан әтлинәр.

5Һәққаний адәм ялғанчилиқтин жиркинәр;

Қәбиһ болса сесип, шәрмәндә болар.

6Йоли дурусни һәққанийәт қоғдар;

Лекин гунакарни рәзиллик жиқитар. 2

7Бәзиләр өзини бай көрсәткини билән әмәлийәттә қуруқ сөләттур;

Бәзиләр өзини йоқсул көрсәткини билән зор байлиқлири бардур. 3

8Өз байлиғи гөрүгә тутулған байниң җениға ара турар;

Бирақ йоқсуллар һеч вәһимини аңлимас.

9Һәққаний адәмниң нури шатлинип парлар;

Бирақ яман адәмниң чириғи өчүрүләр. 4

10Кибирликтин пәқәт җедәл-маҗирала чиқар;

Даналиқ болса несиһәтни аңлиғанлар билән биллидур.

11Ишлимәй тапқан һарам байлиқ бәрикәтсиздур;

Тәр төкүп һалал тапқан гүллинәр. 5

12Тәлмүргинигә күтүп еришәлмәслик көңүлни сунуқ қилар,

Лекин тәшналиқта еришкини «һаятлиқ дәриғи»дур. 6 7

13Худаниң калам-сөзигә писәнт қилмиған адәм гунаниң төлимигә қәриздар болар;

Лекин пәрманни қәдирлигән адәм яхшилиқ көрәр.

14Ақиланиниң тәлими һаятлиқ бәргүчи булақтур,

У сени өлүм қапқанлиридин қутулдурар. 8

15Ақиланилик адәмни илтипатқа ериштүрәр;

Бирақ тузкорларниң йоли әгир-бүгри, җапалиқ болар.

16Пәм-парасәтлик адәм билими билән иш көрәр;

Һамақәт өз наданлиғини ашкарилар. 9

17Рәзил алақичи бала-қазаға учрар;

Садиқ әлчи болса дәрдкә дәрмандур.

18Тәрбийәни рәт қилған адәм намратлишип уятқа қалар;

Амма тәнбиһни қобул қилған һөрмәткә еришәр.

19Әмәлгә ашқан арзу кишигә шерин туюлар;

Лекин ахмақлар яманлиқни ташлашни яман көрәр.

20Ақиланиләр билән биллә жүргән Дан. болар;

Бирақ ахмақларға һәмраһ болған налә-пәрядта қалар. 10

21Балайиқаза гунакарларниң кәйнидин бесип маңар;

Лекин һәққанийлар яхшилиқниң әҗрини тапар.

22Яхши адәм пәрзәнтлириниң пәрзәнтлиригә мирас қалдурар;

Гунакарларниң жиққан мал-дуниялири һәққанийлар үчүн топлинар. 11

23Йоқсулниң ташландуқ йери мол һосул берәр,

Лекин адаләтсизликтин у вәйран болар. 12

24Таяқни айиған киши оғлини яхши көрмәс;

Балини сөйгән киши уни әстайидил тәрбийиләп җазалар. 13

25Һәққаний адәм көңли қанаәт тапқичә озуқ йәр;

Яманниң қосиғи ач қалар.