रोमी

रोमी शहरके मनैनहे पावलके चिट्ठी

रोमी

लिखुइया

रोमी १:१ के अनुसार यी चिट्ठीहे लिखुइया पावल हो। ऊ युनानी शहर कोरिन्थमेसे यी चिट्ठीहे लिखल रहे। यी वहे समय रहे, जब १६ बर्षक नीरो रोमी साम्राज्यक गद्दीमे बैठल रहे। यी प्रमुख युनानी शहर यौन अनैतिकता और मूर्तिपुजा करनामे सक्रिय ठाउँ रहे। अत: जब पावल रोम शहरके मण्डलीक लग लिखल यी चिट्ठीमे मनैनके पाप और चमत्कारी रुपसे मनैनके जीवनहे पूरा रुपमे बद्लुइया परमेश्वरके अनुग्रहक शक्तिक चर्चा करत ते ऊ जाने कि ऊ का कहता। पावल ख्रीष्टके खुशीक खबरके आधारभूत सिद्धान्तक रुपरेखा प्रस्तुत करत। और सक्कु बातके उल्लेख करत, जसिके परमेश्वरके पवित्रता, मनैनके पाप और ख्रीष्ट येशूक माध्यमसे मिल्लक मुक्तिक अनुग्रह।

लिख्लक मिति और ठाउँ

लगभग ई. स. ५७, कोरिन्थ शहरसे मुख्य टोकल ठाउँ रोम शहरके मण्डली

भेटुइया

परमेश्वरके प्रेम कर्लक सक्कु रोमी विश्वासीन जेनहे हुँकारमे पवित्र मनै हुइक लग बलागिल बतिन। अथवा रोम शहरके विश्वासी मण्डली (रोमी १ अध्याय)। रोम शहर रोमी साम्राज्यक राजधानी रहे।

उद्देश्य

रोम शहरके मण्डलीहे लिखगिलक यी चिट्ठी विश्वासी धरमके सिद्धान्तक फरछ्वारसे और सक्कुहुनके जन्ना मेरिक रुपसे प्रस्तुत करगिल बा। पावल मनैनके पापी स्वभावके चर्चा करके सुरुवात करत। परमेश्वरसे विद्रोह कर्लक कारण सक्कु मनै दोषी ठहरागिल बताँ। तभुन फेन परमेश्वर अपन अनुग्रहमे हम्रिहिन्हे प्रभु येशूकमे विश्वास कर्लक कारण धर्मी बनैथाँ। परमेश्वरके हम्रिहिन्हे धर्मी ठहरैलक कारण हम्रे उद्धार या मुक्ति भेटैथी; काकरेकी ख्रीष्टके खुन सक्कु पापहे टोपदेथिन। यी विषयमे पावलके विचार तर्क किल नै होके पूरा रुपमे प्रस्तुतिकरण उपलब्ध कराइत कि कौनो फेन मनैया कसिके अपन पापके दण्ड और पापके अधिनतासे बँचे सेकी।

किताबके विभाजन

१. दोषी अवस्था; पाप और धर्मी हुइना जरुरी

२. धर्मी अवस्थक रोपण-धार्मिकता

३. धर्मी अवस्थामे प्रवेश-पवित्रता

४. इजरायलके लग परमेश्वरके योजना

५. धर्मी हुइना कोशिस करना

६. निष्कर्ष; व्यक्तिगत सन्देश