Skip to content
BibleKenya
SIX 1 Yo 2 Verse

Xoiteupo Kuna

1 Yo 2

Kristusu nu sikou tianisikepi

Tini1 yeu nono misiarara xura, tini xunu erepu xuweuwakuaire, mua kuna tini xosa xayaune. Kire apue xunu eratia, sini sikou tianisikepi tuku, nu nupo Omo xeika purina. Nu siko xopuropu apu nu Yesusu Kristusu, pa apue asinaku kutu kapiani kutu kakepina. Nue2 nukoini sikou xunu xesawopure saina teyai. Nue sini kireni tianisikepure mua saina teyaixe. Xuwe. Xokupa xuiapu ouro puroteneai tianikepure kakeyai.

Apu Xoiteu sipani kutue, Xoiteupo kapia tairouna

Sini Xoiteupo kunani kutu tainukua nu sipaukiriaire xiri atinuku sipawopu.

Kire3 apue kunauna, “Ye Xoiteu sipani kutu,” xepina. Pana nu Xoiteupo kunani kutu taiwopu xuweuna paiya, pa apu nu xoreitua xati, nupo xoukemuro kunani kutu puratixe. Kire4 apue Xoiteupo kuna taina paiya, nu nupo xoukemu Xoiteu tuwopi xiri sipa xati, sini panumu kapiarei, Xoiteu xeika etokinuku.

Kire apue kunauna, “Ye Xoiteu xeika etokine xinapa,” paina pa apua nu Kristusue texeyai sieni texepina. Yeu waukia xura5, mua Xoiteupo kuna tini xosa xayautiai paiya oma kunaxe. Xuwe. Paiya ekime takieni kutu tikiniai kuna. Pa xipiki kuna paiya takieni iyesikiniai. Pana6 mua kuna tini xosa xayautiai, pa rania oma kuna xati, Kristusupo ekeoma xeika tinipo ekitikioma xeika xosa rania pa suau, pa amure, ukumu xuwexepure xati memeremuni kutu putawotai purina.

Kire7 apue kunauna, “Ye memeremu xosa purine,” xepina, pana kire xatau xosa xoukemu xoxixina paiya, pa apu nu ukumu xosauni purina. Apue8 xatau xoukemu turouna paiya, nu memeremu xosa purirouna. Memeremu xosa paiya kire sapie kakati nu uraki xowopina puratixe. Pana9 apue kire xatau, nu xosa xoukemu xoxirouna paiya, nu ukumu xosa purina. Nu ukumu xosa texina amu ime tainarau nu sipa xuwe. Nu ukumue eke paraeki.

Tini10 yeu nono misiarara, Xoiteue Kristusupo wenumurei tinipo xunu weteritiketai. Pa xati ye tini xosa mua kuna xayaune.

Tini11 xauwa xura, tini sipani kutu pa apu nu ekimeni kutu puroyai mua pani purina. Pa xati tini xosa mua kuna xayaune.

Tini apimi tenemai xura, tini Satani emeserukiriai. Pa xati tini xosa mua kuna xayaune.

Nono xura12, tini Emisiki sipani kutu. Pa xati tini xosa mua kuna xayaune.

Tini xauwa xura, tini sipani kutu pa apu nu ekimeni kutu puroyai xati mua pani purina. Pa xati tini xosa ye mua kuna xayaune.

Tini apu tenemai, tini sokisoki tuku xati, Xoiteupo kuna tini xosa sokisoki purati, Satani emeserukiriai. Pa xati ye mua kuna tini xosa xayaune.

Sini ouropu kapia kapia xosikiewopuxe

Tini13 ouropu kapia kapia xotikiewoto xokupa ouropu sapi xotikiewotowaku. Kire apue ouropu kapia xouweunapa nu Xauwa xiri xouweurouwatixe. Siko14 sipa, ouropu apimi nikau xokupa kapia paiya, xonikikemu sarepi kapia xeika ekiniki nepi kapia xeika niko xokupa sapire totoniki ouwopi xeikauneri. Pana xokupa kapia paiya Emisikirei koatixe. Xuwe. Paiya nini ouropu kapia kireni. Mua15 ou xuwe xatia, mua ouropu xokupa kapia, paiya xosikikemu saropi kapia xeika ekisikienepi xeika rania xirini xuwexepineri. Pana kire apue Xoiteue xouweuwotai kapia taina paiya nu sipesi puropina.

Kristusupo xiwaie putawotai

Yeu nonomi16, sini xurisepu asau xosa putaurounuku. Kristusupo xiwayau kopinaxi kuna ekime iyesikiniai. Ximine Kristusupo xokupa xiwaiyaumana kouweteneai. Pa xati siko sipa, sini xurisepu asaupo yause xosa putaukiriai. Ximuximu17 pa apimie siko xeika puroneaie, wesiki xowoneai. Pana ninie sikou kini kutu xosauni puropu xuwe. Nini sikouni kutu xakua, nini siko xeikani puraku. Pana muaia siko weisikiteneai, pa xati ati sipaunuku, pa apimi paiya nini sikouni kutu xuwe.

Tinie18 Xoiteupo Supo Youya tieikiriai xati, tini xokupa sipa tuku. Pa xati tini kunani kutu sipa xuwexi nanuworine mua kuna tini xosa xayauixe. Xuwe. Ye xayautiaia, pa amure, tinie suau kuna sipauweikiriai xati, suau kunae xorei kuna yararepu xuweuwopina paiya tini sipa. Xoreixepina apu19 nu yuna? Paiya pa apu nu kunauna, “Xoiteue nukou xuiapu xiyeri tinikepure tumuworetai apu paiya Yesusu xana xuwexi,” kunaurouna. Apue pa kuna kunawotaia, nue Emisiki xeika Nirau xeika nike tinikirouna, pa xati nu Kristusupo xiwai. Apue20 Nono nike tuna paiya Omo rania nike tuna. Apue Nonoure xousuna paiya, nu Omoure rania xousuna.

Xoiteupo Supo Youyae suau kunaure taitaisikirouna

Ekime21 tinie pa kuna iyesikiniai paiya, tini sokisoki ta. Tini ekime tikiniai kuna sokisoki tinari paiya, Nono xeika Omo xeikae tini xeika sipesi puropineri. Kristusue22 siko sokisoki kuna ipaki kasikina, tini sipesi atinari purakuai ekitikioma tikepine xeyai.

Tini xoreitikepure xeteneai apimi nikau kapiaure tini katikepure mua kuna tini xosa xayaune. Pana23 tinie Kristusu xosaupo Xoiteupo Supo Youya tieikiriai xati, nue tini xeikani purina. Pa xati tini sipa xuweitautikati xati, ye tini taitaitikepixe. Xuwe. Xoiteupo Supo Youyaini tini taitaitikirouna xati, pa Youyapu kuna paiya xiri suau. Nu xoreixatixe. Pa xati tini Youyae taitaitiketai sie Kristusu xeika etoka.

Ximine sini Xoiteupo nono purinuku

Iyo24, yeu nono xura, tini Kristusu xeikani kutu etoka. Kakari nue sosikepure xiyeri koatia sini sokisoki tumunukua, nu ekero mayarei tumuwopuxe. Kristusupo kapia xiri asinakuni kutuxi panumu sipaunaria25, xokupa apimie asinaku kutu kapia kaketeneaie, Xoiteupo nono sayeteneai xinari rania panumu sipawakuai.

Source notes (25)
  1. Cross-reference Ro 8.34;1 Ti 2.5;Ip 7.25; 9.24
  2. Cross-reference Yo 1.29; 11.52;Ro 3.25;2 Ko 5.18;Kl 1.20;1 Yo 4.10; 4.14
  3. Cross-reference 1 Yo 1.6-8; 4.20
  4. Cross-reference Yo 13.15; 14.21-23; 15.4-5;1 Pi 2.21;1 Yo 4.12-13; 4.17; 5.3
  5. Cross-reference 1 Yo 2.24; 3.11;2 Yo 5-6
  6. Cross-reference Yo 1.9; 8.12; 13.34;Ro 13.12;Ep 5.8;1 Ts 5.5; 5.8
  7. Cross-reference 1 Ko 13.2;2 Pi 1.9;1 Yo 3.10; 3.14-15; 4.20
  8. Cross-reference Yo 11.9;Ro 14.13;2 Pi 1.10;1 Yo 3.14
  9. Cross-reference Yo 11.10; 12.35
  10. Cross-reference Lu 24.47;YT 4.12; 13.38;1 Ko 6.11;1 Yo 1.7
  11. Cross-reference 1 Yo 1.1
  12. Cross-reference Ep 6.10
  13. Cross-reference Mt 6.24;Ro 8.7; 12.2;Ka 1.10
  14. Cross-reference Ro 13.14;Ye 4.16;1 Pi 2.11
  15. Cross-reference Mt 7.21;1 Ko 7.31;Ye 1.10;1 Pi 1.24
  16. Cross-reference Mt 24.5; 24.24;2 Ts 2.3;1 Ti 4.1;Ip 1.2;1 Pi 4.7;2 Pi 2.1;2 Yo 7
  17. Cross-reference Mt 24.24;Yo 6.37;YT 20.30;1 Ko 11.19
  18. Cross-reference Yo 10.4;YT 3.14;1 Ko 2.15;2 Ko 1.21;Ip 1.9;1 Yo 2.27
  19. Cross-reference 1 Yo 4.3;2 Yo 7
  20. Cross-reference Yo 5.23; 14.7-10; 15.23;1 Yo 4.15; 5.1;2 Yo 9
  21. Cross-reference Yo 14.23;1 Yo 1.3;2 Yo 6
  22. Cross-reference Yo 3.15; 6.40; 17.3;1 Yo 1.2; 5.11
  23. Cross-reference Yo 14.26; 16.13;Ip 8.10-11;1 Yo 2.20
  24. Cross-reference 1 Yo 3.2; 4.17
  25. Cross-reference YT 22.14;1 Yo 3.7; 3.10

Xoiteupo Kuna. Copyright © 2024 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.