Xoiteupo Kuna

1 Yo 1

Sini memeremu xosa texepuna ukumu xosaupo apimi kini weinikitikiri xoreisikexeni

1.1—3.10

Ekeoma tuku kunae yarani putawoyai

Sinie1 kuna ekeoma tukupo kuna uteirounuku. Mua kuna paiya ekimeni kutu puroyai xati, sinie iyeserinuku, ekisikie xekeukiriai. Sinie nu xekerinuku nu xosa xupusiki iyarikiriai. Mua2 ekisikiomae yarani putauwoyai xati, sinie xekerinuku, paire kuna uteirounuku. Pa ekisikomae atina sipesi sipesi purotaire sinie tini xosa kunaunuku. Ekime nue nupo Omo xeika puroyaie yarani putawati ekeukiriai. Sinie3 xekeri iyesikiriai xati, tinie sini xeika xosikikemu tumaxi puropure tini xosa rania, kuna uteirounuku. Pa xati nupo Omo xeika, Nukou Nirau Yesusu Kristusu xeika kirenini xosikikemu tumaxi purinuku. Sikou4 nimariri xiri xokopexepinaure sinie mua nakau xayaukiriai.

Sini memeremu xosauni kutu texepu

Yesusu Kristusue kuna uteiwati iyeserinuku5, sinie tini xosa uteinuku. Pa kuna muanumu, Xoiteu nu memeremu xati, xayakaxayaka kire ukumu nu xosa puratixe. Sini6 kunaunuku, “Ye nu xeika kirenini xoikemu tumaxine,” xepinena pana sini ukumu xosa texinukua, sinipo mua kuna paiya xorei kuna xati, sini suau kapiarei texikirixe. Pana7 nuko memeremu xosa purotai sieni, sini memeremu xosa texinukua, sini Xoiteupo kireu xuiapu xeika xosikikemu kirenini tumaxi purinuku. Pa xati Xoiteupo Nono, nu Yesusu, nupo yawie sikou xokupa xunu xesauwati xosei sairounuku.

Sini8 kunaunuku, “Ye xunu xuwe,” xirounukuna pana sini sikou xosikikemu xoreunuku xati, suau kuna xosikiro puratixe. Pana9 sini sikou xunure kunauweikiria Xoiteu nukoe kunawoyai sie panumu kakepina. Nue asinaku kutu kapia kakinapa sikou xunu wetepina. Kakina xokupa kapia xoxi siko xosa purotai xesauwatia xosei puropu. Sini10 kunaunuku, “ye xunu eriyaixe,” xepuna pana pa kuna paie kunaunuku Xoiteu nu xoreitua xinuku11. Pa xati Xoiteupo kuna xosikiro puratixana xuwe.

Source notes (11)

Cross-reference Yo 1.1-4; 1.14; 20.27;2 Pi 1.16;1 Yo 2.13-14
Cross-reference Yo 1.14; 21.24;YT 2.32;Ro 16.26
Cross-reference Yo 17.21;YT 4.20;1 Ko 1.9;1 Yo 2.24
Cross-reference Yo 15.11; 16.24;2 Yo 12
Cross-reference Yo 1.9; 9.5; 12.35-36;1 Ti 6.16;Ye 1.17;1 Yo 3.11
Cross-reference 2 Ko 6.14;1 Yo 2.4
Cross-reference Ais 2.5;Yo 3.21;Ep 1.7;Ip 9.14;1 Pi 1.19;XKY 1.5; 7.14
Cross-reference Yop 9.2;Siri 32.5;Asin 28.13;Ye 3.2;1 Yo 2.4
Cross-reference Siri 51.2;Asin 28.13;1 Yo 1.7
Cross-reference 1 Yo 1.8
Cross-reference Siri 14.3;Ais 53.6; 64.6

Xoiteupo Kuna. Copyright © 2024 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.