Skip to content
BibleKenya

Sikkiligar Bible

ಆದಿ 10

ನೊಹಾನಾ ಬಚ್ಚಾ಼ವೊನಿ ಸಂತತಿ

ನೊಹಾನಾ ದಿಕ್ರಾ ಶೆಮ ಹಾಮ ವರಿ ಯೆಫೆತ ಪಾನಿನು ತುಫಾನ ಹುಬ್ರಯಲ್ಪರ ಆ ತನ್ನೆ ದಿಕ್ರಾವೊನೆ ದಿಕ್ರಾ ಹುಟ್ಯಾ. ಶೆಮ ಹಾಮ ಯೆಫೆತನೆ ಹುಟ್ಟಲ ದಿಕ್ರಾ; ಯಫೆತನೆ ಹುಟ್ಟಲ ದಿಕ್ರಾ ಕುನ್ನ ಕುನ್ನ ವ್ಹೈ ಕದ್ಯಾಮ ಗೊಮೆರ, ಮಾಗೊಗ, ಮಾದ್ಯ, ಯಾವಾನ, ತುಬಲ, ಮೆಷೆಕ್ ವರಿ ತಿರಾಸ ಗೊಮೆರನೆ ಹುಟ್ಟಲ ದಿಕ್ರಾ ಅಷ್ಕೆನಸ, ರಿಫತ ವರಿ ತೊಗರ್ಮ. ಯಾವಾನನೆ ಹುಟ್ಟಲ ದಿಕ್ರಾ ಎಲಿಷಾ, ತಾರ್ಷಿಸ, ಕಿತ್ತಿಮ ವರಿ ದೊದಾನಿಮ. ಸಮುದ್ರನಾ ಬಗಲ ರ‍್ಹಯಲ ಮನಕ್ಹೊ ಪುರಾ ಯೆಫೆನಾ ಘರದಾನಾನಾ ವ್ಹೈ ತಿನಾ ಹರಯಕ್ಕ ದಿಕ್ರಾ ಕನ ತ್ಯುನಿ ಕ್ಹುದನಿ ಜಿಮಿನ (ಜ಼ಗಾ) ವ್ಹತ್ತಿ ತ್ಯುನು ಘರದಾನು ತಿಮ್ಮ ಬಡತು ಗೈನ ತ್ಯುನಾಮಾಜ ಘನ್ನಾ ಘರದಾನಾ ಥಯಾ.ಹರಯಕ್ಕ ಘರದಾನಾನೆ ತ್ಯುನಿ ಕ್ಹುದನಿ ಕವಾನಿ ಜಾತ ವ್ಹತ್ತಿ ಹಾಮನಾ ದಿಕ್ರಾ ಕುನ್ನ-ಕುನ್ನ ವ್ಹೈ ಕದ್ಯಾಮ ಕುಷ, ಮಿಚ್ರಯಿಮ, ಪುತ ವರಿ ಕಾನಾನ. ಕುಷನಾ ದಿಕ್ರಾ ಸೆಬಾ, ಹವಿಲ, ಸಬ್ತಾ, ರಗ್ಮ ವರಿ ಸಬ್ತಕಾ. ರಗ್ಮನಾ ದಿಕ್ರಾ ಶೆಬಾ ವರಿ ದೆದಾನ. ಕುಷನೆ ನಿಮ್ರೊದ ಕವಾಲೊ ದಿಕ್ರೊ ವ್ಹತೊ ನಿಮ್ರೊದ ಘನ್ನೊ ತಾಕತ್ವರ ವ್ಹತೊ ವರಿ ತೆ ಆ ಜಿಮಿನ್ಪರ ತೆ ಪೈಲಾನೊ ಘನ್ನೊ ತಾಕತವರ ಥಯೊ. ಯೆಹೊವನಾ ಕ್ಹಾಮೊ ತೆ ಘನ್ನೊ ಚುರುಕ ಶಿಕಾರಿ ವ್ಹತ್ತೊ. ತಿನಾಹುತಿ ಮನಕ್ಹೊ ಬಿಜಾ಼ವೊನೆ ಸುಬಿ ಕೌ ಕದ್ಯಾಮ ತಿನೆ ಮಳೈನ ಕವಸ ‘ ದೆಕ ಐಲೊ ನಿಮ್ರೊದನಾ ನಿಂಗತ ಯಹೊವಾನಾ ಕ್ಹಾಮೊ ಘನ್ನೊ ಚುರುಕ ಶಿಕಾರಿ ವ್ಹೈ’ ನಿಮ್ರೊದನು ದರ್ಬಾರ ಶಿರಾನ ದೆಶಮಾ ರ‍್ಹಯಲ ಬಾಬಿಲೊನಮಾ ಯೆರೆಕಮಾ ಅಕ್ಕದ ವರಿ ಕಲ್ನೆ ಕವಾನಾ ಗಾಮೊಮಾ ಶುರು ಥಯು. ನಿಮ್ರೊದ ಅಶ್ಯುರನೆಬಿ ಗಯೊ. ಅಶ್ಯುರಮಾ ನಿನೆವೆ, ರೆಹೊಬೊತಿರ, ಕೆಲಹ ವರಿ ರೆಸೆನ್ ಕವಾನಾ ಗಾಮೊ ಭಾಂದ್ಯೊ. ರೆಸೆನ ಕವಾನು ಗಾಮ ನಿನೆವೆನಾಬಿ ಮ್ಹೊಟು ಗಾಮ ರ‍್ಹಯಲ ಕೆಲಹನಾ ವಚ್ಮಾ ಶೆ. ಮಿಚ್ರಿಯಿಮ ಲುದ, ಅನಾಮ, ಲೆಹಾಬ, ನಪ್ತಹ, ಪತ್ರುಸ, ಕಸ್ಲುಹ್ಯ ವರಿ ಕಪ್ತೊರ್ಯನೊ ಬಾ ವ್ಹೈ. ಕಸ್ಲುಹ್ಯವಾಲಾ ಪಿಲಿಷ್ಟಿವಾಲಾವೊನಾ ಪಿತೃ ವ್ಹೈ. ಕಾನಾನ ಸಿದೊನನೊ ಬಾ ವ್ಹೈ. ಕಾನಾನನೊ ಪೈಲಾವಾ ದಿಕ್ರೊಜ ಸಿದೊನ ವ್ಹೈ. ಆ ಸಿದೊನ ಹಿತ್ತಿಯೊನೊ ಮೂಲ ಪಿತೃ ವ್ಹೈ ಕಾನಾನ ಯೆಬುಸಿಯೊನೆ, ಅಮ್ಮೊರಿಯೊನೆ, ಗಿರ್ಗಾಷಿಯೊನೆ, ಹಿವ್ವಿಯೊ, ಅರ್ಕಿಯೊನೆ, ಸಿನಿಯೊನೆ, ಅರ್ವಾದಿಯೊನೆ, ಚೆಮಾರಿಯೊನೆ ವರಿ ಹಮಾತಿಯೊನೆ ಮೂಲಪುರುಷ ವ್ಹೈ. ಕಾನಾನನಾ ಘರವಾಲಾ ಪುರಾ ಜಗತನಾ ಹರಯಕ್ಕ ಜ಼ಗಾವೊಮಾ ಫಲಿ ಗಯಾತಾ ಕಾನಾನಿ ಸಿಮಾ ಸಿದೊನತಿ ಉಆತ್ತರನಾ ಬಗಲ ಗೆರಾರಿನಾ ದಕ್ಷಿಣತಕಾ, ಗಾಜಾತಿ ಧರಿನ ಪುರ್ವನಾ ಸೊದೊಮಗೊಮೊರ ಗಾಮಲಕಾ, ಅದ್ಮಾ ವರಿ ಚೆನೊಯಿಮತಿ ಧರಿನ ಲೆಷಾನಾಲಕಾ ಫೈಲಿತಿ. ತ್ಯುನೆ ಕ್ಹಾರಾ ಹಾಮನಾ ಘರದಾನಾನಾ ವ್ಹೈ. ತೆ ಘರದಾನಾನಾ ಮನಕ್ಹೊ ಹರಯಕ್ಕಲಾ ತ್ಯುನುಜ ಕವಾನು ತ್ಯುನೊನೆ ಗಾಮ ವ್ಹತ್ತು ವರಿ ಕ್ಹಾರಾವೊನೆ ತ್ಯುನಿಜ ಕವಾನಿ ಯಕ ಜಾತ ವ್ಹತ್ತಿ. ತ್ಯುನೆ ತ್ಯುನುಜ ಕವಾನು ಯಕ ಯಕ ಖಾಂದಾನ ಥಯಾ ಶೆಮ ಯೆಫೆತನೊ ಮ್ಹೊಟೊ ಭೈ ವ್ಹೈ. ಶೆಮನಾ ಖಾಂದಾನಮಾ ಎಬರಬಿ ಯಕ್ಲೊ ವ್ಹೈ ಎಬರ ಹಿಬ್ರುನೊ ಮುಲ ಪಿತೃ ವ್ಹೈ ಶೆಮನಾ ದಿಕ್ರಾ ಎಲಾಮ್, ಅಶ್ಶು, ಅರ್ಪಕ್ಷದ್, ಲುದ್ ವರಿ ಅರಾಮ್ ವ್ಹೈ. ಅರಾಮನಾ ದಿಕ್ರಾ ಉಸ್, ಹುಲ್, ಗೆತೆರ್ ವರಿ ಮಷ್ ವ್ಹೈ. ಅರ್ಪಕ್ಷದ ಶೆಲಹನೊ ಬಾ ವ್ಹೈ, ಶೆಲಹ ಎಬರನೊ ಬಾ ವ್ಹೈ. ಎಬರನೆ ಬೆ ದಿಕ್ರಾ ವ್ಹತ್ತಾ. ತಿನೊ ಪೈಲಾವಾ ದಿಕ್ರೊ ಹುಟ್ಟತಾಮಾ ಪುರಾ ಜಿಮಿನ್ಪರ ರ‍್ಹಯಲ ಖಾಂದಾನೊ ಬಿಜಾ಼ ಬಿಜಾ಼ ಥಯಲಕ್ಹು ತಿನೆ ಫೆಲೆಗ್ ಕೈನ ನಾಮ ಮ್ಹೆಲ್ಯಾ, ತಿನಾ ಬೆವಾ ದಿಕ್ರಾನು ನಾಮ ಯೊಕ್ತಾನ ವ್ಹೈ ಯೊಕ್ತಾನಾ ದಿಕ್ರಾ ಅಲ್ಮೊದಾದ್, ಶೆಲೆಪ್, ಹಚರ್ಮಾವೆತ್ ವರಿ ಯೆರಹ, ಹದೊರಾಮ, ಉಜಾಲ್, ದಿಕ್ಲಾ. ಓಬಾಲ್, ಅಬಿಮಯೆಲ್, ಶೆಬಾ, ಓಫಿರ್, ಹವಿಲ ವರಿ ಯೊಬಾಬ್. ಅವ್ನೆ ಕ್ಹಾರಾ ಮೆಶಾ ಸಿಮಾತಾ ಧರಿನ ಪುರ್ವನಾ ಡೊಂಗರನಾ ಜ಼ಗಾ ವ್ಹತ್ತಾ, ಸೆಫಾರನೆ ಜಾವಾನಿ ವಾಟ್ಮಾ ಮೆಶಾನು ಸಿಮಾ ವ್ಹತ್ತು. ಅವ್ನೆ ಕ್ಹಾರಾ ಶೆಮನಾ ಘರದಾನಾನಾ ವ್ಹೈ. ಅವ್ನೆ ಕ್ಹಾರಾ ಜ಼ನಾ ತ್ಯುನು ಘರದಾನಾನಾ ವರಿ ತ್ಯುನಿ ಜಾತನಾ, ತ್ಯುನಾ ತ್ಯುನಾ ದೆಶನಾ ತ್ಯುನು ಖಾಂದಾನಾ ನಿಂಗತ ಫೈಲ್ಯಾ. ನೊಹನಾ ದಿಕ್ರಾವೊಕ್ಹು ಹುಟ್ಟಲ ಖಾಂದಾನ ವ್ಹೈ ಆ.ತ್ಯುನೆ ತ್ಯುನಾ ಘರದಾನಾ ಪ್ರಕಾರ ಫೈಲ್ಯಾ. ಪಾನಿನು ತುಫಾನ ಹುಬ್ರಯಲ್ಪರ ಜಿಮಿನ ಪುರಾ ಫೈಲಲ ಆಜ ಖಾಂದಾನನಾ ವ್ಹೈ.

Sikkiligar Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.