Zaburi 100

Ni Zaburi. Ni iyo guhimbaza no gushima.

1Nimuvugirize impundu Uhoraho, yemwe abari mw’isi mwese.

2Musenge Uhoraho munezerewe;

muze imbere yiwe muririmbana umunezero.

3Mumenye ko Uhoraho ari we Mana.

Ni we yaturemye, natwe turi abiwe,

turi abantu biwe, intama zo mu buragiro bwiwe.

4Mwinjire mu marembo y’Ingoro yiwe mushima,

mu birimba vyiwe muhimbaza;

mumushime kandi muhimbaze izina ryiwe.

5Kuko Uhoraho ari mwiza kandi urukundo rwiwe rwamaho ibihe bidashira;

ukwizigirwa kwiwe kuzokwamaho uko urunganwe ruzokuranwa n’urundi.