Sudije 4

E Devora thaj o Varak

1Kana mulo o Ehud, e Izraelcurja palem teljardine te ćeren okova so si bilačhe ande GOSPODEŠĆE jakha. 2Zato o GOSPOD predajisardas len ande vas e Javinešće, e hanaanske carošće savo vladilas ando Hacor. O zapovedniko lešće vojskako akhardolas Sisra, a trajilas ando Harošet-Hagoim. 3Pošto sas les inja šela sastrune bojne vordona thaj pošto biš brš zurale mučilas e Izraelcen, von zavapisardine e GOSPODEŠĆE.

4Ande godoja vrjama ando Izrael sudilas e proročica Devora, e Lapidotešći romnji. 5Sudilas tale Devorako kaš palma, maškar e Rama thaj o Betel ande Efremešće gore. E Izraelcurja avenas late, a voj presudilas maškar lende lenđe sudurja.

6Voj bičhaldas palo Varak, e Avinoamesko čhavo, savo sas andar o Kedeš ande Neftalimešći phuv. Thaj phendas lešće: “O GOSPOD, o Del e Izraelosko, zapovedil tuće: ‘Dža thaj le tusa deš milje manušen andar e Neftalimesko thaj e Zavulonesko pleme, pa inđar len pe gora Tavor. 7A me namamiva tuće e Sisere, e zapovedniko e Javinešće vojskako, thaj okote predaiva les ande ćire vas.’ ”

8O Varak phendas laće: “Džava samo vi ako tu džas manca. Ali ako tu či džas manca, ni me či džava.”

9E Devora phendas: “Lačhe, džava tusa, ali ande borba ande savi džas, e slava či pripadnila tuće, kaj o GOSPOD e Sisere predaila ande vas jećhe romnjaće.”

Gajda e Devora teljardas e Varakeja ando Kedeš. 10Askal o Varak ćida e manušen andar e Zavulonesko thaj e Neftalimesko pleme. Pale leste teljarda deš milje manuša, a teljarda vi e Devora.

11A o Hever o Kenejco, savo sas potomko e Mojsiješće sokrosko e Hovavesko, razapnisarda o šator pašo kaš e hrastosko ando Caananim, pašo Kedeš.

12Kana javisardine e Sisrešće kaj o Varak, e Avinoamesko čhavo, đelo pe gora Tavor, 13o Sisra akhardas sa pire inja šela sastrune bojne vordona thaj sasti vojska andar o Harošet-Hagoim te aven ko potoko Kišon.

14Askal e Devora phendas e Varakešće: “Ušti! Ađes o GOSPOD pomognila tuće te pobedis e Sisere. O GOSPOD džal angle tute.”

Gajda o Varak fuljisto katar e gora Tavor, a pale leste deš milje manušen. 15O GOSPOD zbunisardas e Sisere, lešće bojne vordona thaj sa e vojska ande lesko tabor angle Varakošći vojska, pa o Sisra fuljisto katar piro vordon thaj našlo phujatar. 16O Varak progonilas e bojne vordona thaj e vojska sa dži ko Harošet-Hagoim. Thaj sa e Sisrešći vojska sas mudardi katar o mačo, ni jek vojniko či ačhilo džudo.

17O Sisra našlo phujatar thaj garadilo ando šator ke Jael, savi sas e romnji e Heverošći e Kenejcošći, kaj vladilas o miro maškar e familija e Heverošći e Kenejcošći thaj maškar o Javin, caro katar o Hacor.

18E Jael inkljisti anglo Sisra thaj phendas lešće: “De andre, gospodarina. De andre mande. Na dara!”

Thaj vo dija andre ande lako šator, a voj učharda les e dekava.

19O Sisra phendas laće: “Moliv tut, de man te pijav cara paj. Trušalo sem.”

Voj putardas e morćhani trjasta e thudesa, thaj dija les te pijel, pa palem učharda les.

20Vo phendas laće: “Ačh po vudar e šatoresko. Ako vareko avel thaj phučel: ‘Dali si vareko andre’, tu phen: ‘Naj.’ ”

21Askal e Sisre lijas e zurali lindri kaj sas but hićino. E Heverošći romnji e Jael lijas e šatoresko klino thaj o čokano ande vas, poloće avili paše leste, čhuta o klino pe lešći slepočnica. Thaj dija dab e čokanosa gajda kaj o klino kroz lesko šoro zabisajlo ande phuv, a o Sisra mulo.

22Pe godova dija o Varak ande potera palo Sisra, a e Jael inkljisti angle leste thaj phendas: “De andre te sikavav tuće e manuše saves rodes.”

Kana dija andre ande lako šator, dikhla kaj o Sisra okote pašljol mulo e klinosa ando šoro.

23Godova đes o Del dija e Izraelconenđe te pobedin e Javine, e hanaansko care. 24E Izraelcurja sa majzurale borisajle protiv o Javin, o hanaansko caro, sa dok či uništisardine les.