Sudije 5

E Devoraći thaj e Varakošći pobedničko đilji

1Godova đes e Devora thaj o Varak, o Avinoamesko čhavo, đilabadine akaja đilji:

2“Kana e vođe inđaren o Izrael ando rato,

kana o them pe godova pire voljava pristanil,

blagosiljin e GOSPODE!

3Ašunen, carurja,

čhon kan, vladarja!

Me đilabava e GOSPODEŠĆE,

psalmurja đilabava e GOSPODEŠĆE,

e Izraelošće Devlešće.

4GOSPODE, kana inkljistan andar o Seir,

kana đelantar andar e phuv edomsko,

e phuv ćhinolas pe, o nebo putajlo,

e oblakurja o paj čorenas.

5E gore ćhinonas pe anglo GOSPOD o Sinajsko,

anglo GOSPOD, o Del e Izraelosko.

6Ande vrjama e Šamgarešći, e Anatošće čhavešći,

thaj ande đes e Jaelaće,

e glavne droma puste postanisardine,

e putnikurja džanas e obilazne dromenca.

7E gava izraelske puste postanisardine,

dok me, e Devora, či uštilem,

dok či uštilem sago dej e Izraelošće.

8Kana neve devlen lenas pešće,

o rato areslo pe gavenđe kapije,

a nas nijek štito ni koplje

maškar štarvardeš milje e Izraelošće vojnikurja.

9Mungro ilo si e Izraelošće vođenca,

okolenca maškar o them save pire voljava džan ando rato.

Blagosiljin e GOSPODE.

10Gindin tumen save jašin pe parne magarcurja,

thaj tumen save bešen pe kovle prostirke

thaj vi tumen save phiren e dromesa.

11Čhon kan ko glaso e pevačesko

pašo bunari ke stoka:

Von e GOSPODEŠĆE pobede nabrojin,

pobede pala lešće gava ando Izrael.

Askal o them e GOSPODESKO fuljisto dži ke gavenđe kapije.

12‘Džungav tut, džungav tut, Devora!

Džungav tut, džungav tut thaj đilji đilabe!

Ušti, Varakeja!

Zarobisar ćire dušmajen, čhaveja e Avinoamesko!’

13Askal okola kaj ačhile

fuljiste ke moćnikurja.

O them e GOSPODESKO

fuljisto mande sago ratnikurja.

14Katar o Efrem avile e manuša savenđi klica si katar o Amalek,

pratinas tut, Venijamine, pratinas pire phralen.

Andar o Mahir avile e vođe,

andar o Zavulon avile e starešine.

15E Devorasa sas e zapovednikurja e Isaharošće.

Ej, o Isahar sas e Varakosa

thaj pala leste džalas ande dolina.

Maškar e Ruvimešće čete but gindinas pe

dali te džan ili na.

16Sostar ačhilan maškar e bakhre

dali ašunes e svirka maškar e stadurja?

Maškar e Ruvimešće čete but gindinas pe

dali te džan ili na.

17O Gilad ačhilo pe okoja rig e Jordanošći.

A sostar o Dan još bešel ande lađe?

O Asir ačhilo paše obala e morešći

thaj bešel ande pire uvale.

18Ali e Zavulonesko pleme čhutine pire trajurja pe kocka,

a gajda vi o Neftalim po bojno polje.

19Aviline e carurja thaj džanas ando rato.

E carurja hanaanske džanas ando rato

ko Taanah, ke e paja katar o Megido,

ali ni cara rup či line sago pleno.

20Katar o nebo borinas pe e čereja,

katar pire staze protiv o Sisra borinas pe.

21O potok Kišon inđardas e caronen,

o purano potoko, o potoko Kišon.

Dža bidarako, dušo mungrije!

22Gajda e kopite e grastenđe ašundonas,

ando baro galopo jurin e moćne grasta e Sisrešće!

23O anđeo e GOSPODESKO phendas:

‘Den romaja o gav Meroz,

den romaja, den romaja e manušen save trajin ande leste,

kaj či avile te borin pe palo GOSPOD,

te borin pe palo GOSPOD protiv e dušmaja.’

24Neka si blagoslovime maškar e manušnja,

e Jael, e romnji katar o Hever Kenejco,

neka si blagoslovime maškar e manušnja save trajin ando šator.

25O Sisra roda paj, a voj dija les thud,

ando rajikano čaro pavlaka andas lešće.

26E Jael lijas ando levo vas o kolco,

a ando desno o kovačko čokano.

Dija dab e Sisre, lesko šoro smrskosarda,

lešći slepočnica pharada thaj pusada.

27Ke laće pungre banđilo,

haradilo thaj inzarda pe tele.

Banđilo ke laće pungre,

thaj okote mulo harada pe.

28Kroz e pendžera dićhel e Sisrešći dej

thaj kroz e rešetka voj ande jasva mothol:

‘Sostar gadići dugo či avel?

Sostar još či ašunav lešće kočije?’

29E gođaver manušnja po dvoro ohrabrinas lat,

ali voj ande peste jek te isto motholas:

30‘Pleno arakhline, pa akana delin:

svako lel po rakhlji ili duj,

šareno ruho palo Sisra,

duj šarene khuvde dikhle,

dikhle pale kor e pobednikošći.’

31Neka gajda propadnin sa ćire dušmaja, GOSPODE!

A okola save volin tut, neka aven pobednikurja

sago o kham savo inkljel.”

Askal ande phuv sas miro štarvardeš brš.