1. Samuilo 8

E Izraelcurja manđen caro

1Kana o Samuilo phurilo, čhuta pire čhaven pale sudije ando Izrael. 2Lesko prvo bijando čhavo akhardolas Joil, a aver Avija thaj liduj sudinas ande Beer-Ševa. 3Ali lešće čhave či džanas pire dadešće dromesa, teljardine palo nepošteno dobitko, lenas mito thaj banđarenas e pravda.

4Zbog godova sa e Izraelošće starešine ćidine pe thaj aviline ko Samuilo ande Rama, 5pa phendine lešće: “Ake, phurilan, a ćire čhave či teljardine ćire dromesa. Zato čho amenđe care te avel amenđe sudija, sago kaj si godova ke sa aver thema.”

6E Samuilešće či sviđosajlo kaj phendine: “De men caro te avel amenđe sudija”, pa pomolisajlo e GOSPODEŠĆE.

7A o GOSPOD phendas lešće: “Čho kan sa so o them phenel tuće. Kaj, von či odbacisardine tut, nego odbacisardine man sago pire caro. 8Isto gajda ćerenas katar e vrjama kana inkaldem len andar o Egipat pa sa dži ađes. Mućenas man thaj služinas aver devlenđe. Gajda akana ćeren vi tuće. 9Čho kan lende, ali ozbiljno opomenisar len. Objasni lenđe sa so ćerela o caro savo vladila pe lende.”

10O Samuilo sa godova phendas e themešće save mangline lestar caro, 11thaj phendas lenđe: “Ake so ćerela o caro savo vladila pe tumende: Lela tumare čhaven thaj čhola len paše pire bojne vordona thaj gras te prasten angle lešće bojne vordona. 12Varesaven čhola te aven zapovednikurja pe milje ili pe pandž milje manuša, varesaven te orin lešće njive thaj žanjin e žetva, varesaven te ćeren lešće mačurja palo rato thaj e oprema pale lešće bojne vordona. 13Lela tumare čhejen te ćeren lešće mirisurja, te ćiraven lešće thaj te pećen. 14Lela tumare majlačhe njive, vinogradurja thaj e maslenikurja thaj dela len pire službenikonenđe. 15Lela deš posto katar tumaro điv thaj drak, a dela pire dvoranikonenđe thaj e slugenđe. 16Lela tumare sluge thaj tumare sluškinje, tumare majlačhe guruva thaj magarcurja te služin lešće. 17Lela vi deš posto katar tumari hurdi stoka. Tumen avena lešće roburja. 18Thaj askal zavapina zbog o caro saves korkoro izabirisardine, ali o GOSPOD či čhola kan tumende.”

19Ali o them či kamla te čhol kan ko Samuilo, thaj phendine: “Na! Kamas care te vladil pe amende! 20Te vi amen avas sago vi sa aver thema, o caro avela amaro sudija thaj amaro vođa, thaj vo vodila amare raturja.”

21Kana o Samuilo ašundas sa so o them manglas, phendas godova e GOSPODEŠĆE.

22A o GOSPOD phendas e Samuilešće: “Čho kan lende thaj de len caro.”

Askal o Samuilo phendas e Izraelconenđe: “Neka svako boldel pe ande piro gav.”