1. Samuilo 30

O David thaj e Amalečanurja

1O trito đes kana o David thaj lešće manuša aresline dži ko Ciklag, saznaisardine kaj e Amalečanurja opljačkisardine o Negev thaj o Ciklag. Napadnisardine o Ciklag, dine les jag 2thaj zarobisardine sa e manušnjen thaj sa so sas ande leste, e ternen thaj e puranen. Ali khonikas či mudarine, nego samo inđardine len pesa thaj đele pire dromesa.

3Kana o David thaj lešće manuša aresline ando Ciklag, dikhline kaj si dino jag, a lenđe romnja thaj čhave thaj čheja inđarde ando robstvo. 4Pe godova o David thaj lešće manuša glasno počnisardine te roven, pa rovenas dži kaj god sas len snaga. 5Inđarde ando robstvo sas vi liduj e Davidešće romnja: e Ahinoama andar o Jizreel thaj e Avigajila, e Navalešći udovica andar o Karmel. 6O David sas pe bare muke, kaj e manuša phenenas kaj trubul te čhuden bara po David, kaj sas savora zurale holjarike pe leste zbog pire čhave thaj čheja.

Ali o David arakhla snaga ando GOSPOD, piro Del, 7pa phendas e rašaješće Avijatarešće, e Ahimelehošće čhavešće: “An manđe e rašajesko prusluko.”

Pa o Avijatar anda les e Davidešće 8thaj o David phučla e GOSPODE: “Dali te teljarav ande potera pale okola pljačkaša? Dali aresava len?”

A o GOSPOD phendas: “Teljar, sigurno areseja len thaj spasija okolen save si zarobime.”

9Gajda o David thaj lešće šov šela manuša teljardine thaj aresline dži ko klanco Besor, kaj duj šela ačhiline, 10kaj sas zurale iscrpime te naćhen prekal o klanco Besor. A o David nastavisarda e potera e štar milje manušenca.

11Po drom arakhline varesave Egipćane thaj andine les ko David. Dine les mangro te hal thaj paj te pijel. 12Thaj dine les grudva katar e smokve thaj duj grudve šuće drak. Kana godova hala, čaljilo thaj avilo peste, kaj či hala thaj pila khanči trin đes thaj trin rjat.

13O David phučla les: “Kasko san thaj katar san?”

A akava phendas: “Me sem Egipćano, robo katar jek Amalečano. Majsigo katar trin đes nasvajlem pa mungro gospodari mukla man. 14Napadnisardam o Negev, kaj trajin e Kerećanurja, thaj vi e Judeja thaj e Kalevesko Negev. A o Ciklag dijam jag.”

15O David phučla les: “Šaj li te inđares man dži ke godola pljačkaša?”

Akava phendas lešće: “Ha manđe solah e Devlesa kaj či mudareja man niti kaj predaija man ande vas mungre gospodarešće, pa inđarava tut dži lende.”

16Thaj vo inđarda e Davide dži lende. E pljačkaša buljile pe sasto okova krajo. Hanas, pijenas thaj veselinas pe zbog o baro pleno savo inđardine andar e Filistejenđi phuv thaj andar e Juda. 17O David napadnisarda len thaj mudarelas len katar e rjat dži thejara talerjat, thaj ni jek lendar či našlo, osim e štar šela terne čhave save pe kamile našline. 18Gajda o David bolda sa so e Amalečanurja inđardine, oslobodisarda vi pire duj romnjen. 19Khanči či hasardine. Sa e terne thaj e purane, sa e čhave thaj e čheja, sa lenđi imovina thaj sa so sas zaplenime, o David boldas. 20Vo lija sa e bari thaj e cikni stoka, e manuša tradenas e stoka angle peste thaj phenenas: “Akava si e Davidesko pleno.”

21Askal o David avilo dži ko klanco Besor, kaj mukla okole duj šela manušen save sas zurale iscrpime te pratin les. Von aviline anglo David thaj angle manuša save sas lesa. Kana avilo lenđe majpaše, pozdravisarda len.

22Maškar e manuša, save đele e Davideja pe Amalečanurja, arakhadile vi bilačhe thaj rumome manuša save phenenas: “Nas amenca. Či delisa lenca o pleno. Neka svako lendar lel pire romnja thaj pire čhavren thaj neka džantar.”

23Pe godova o David phendas: “Na gajda, phralalen mungralen! Gindin pe okova so o GOSPOD dija men. Vo zaštitisarda men thaj dija men ande vas e dušmajen save opljačkisardine men. 24Khonik či čhola kan tumende. Okova savo ačhel te lel sama pe stvarja trubul te dobil isto talo sago vi okova savo džal ande borba. Neka savorenđe delil pe jednako.”

25Katar askal thaj sa dži majdur o David odredisardas te godova avel pravilo thaj zakon ando Izrael. Isto vredil vi ađes.

26Kana o David areslo ando Ciklag, jek deo katar o pleno bičhalda pire drugarenđe, e judejske starešinenđe e porukasa: “Akava si daro pale tumende, deo katar o pleno savo sas otmime katar e GOSPODEŠĆE dušmaja.”

27E darurja bičhaldas vi e starešinenđe ando Betel, Ramot-Negev, Jatir, 28Aroer, Sifmot, Eštemoa, 29Rahal, ande gava e Jerahmeelcovenđe thaj ande gava e Kenejcenđe, 30ande Horma, Bor-Ašan, Atah 31thaj ando Hevron, sago vi ande sa aver thana ande save vo thaj lešće manuša džanas.