1. Samuilo 26

O David palem poštedil e Saulesko trajo

1Varesave manuša aviline andar o Zif ko Saul ande Giva thaj phendine: “O David garadol po brego Hahila prekal o Ješimon.”

2Pe godova o Saul đelotar tele ande pustinja Zif e trin milje izabirime vojnikonenca andar o Izrael, te okote rodel e Davide, 3thaj utaborisajlo pašo drom karingal o brego Hahila savo sas prekal o Ješimon. O David sas ande pustinja pa dikhla kaj o Saul avilo pale leste ande pustinja, 4pa o David bičhalda e uhoden thaj uverisajlo kaj o Saul čače areslo. 5Askal o David đelo dži ko than pe savo o Saul utaborisajlo thaj dikhla o than kaj pašljonas o Saul thaj o Avner, e Nerosko čhavo, o glavno zapovedniko e Saulešće vojskako. O Saul pašljolas maškare ando tabor, okružime e vojskasa.

6O David phučla e Ahimeleho, e Hetito, thaj e Avišaje, e Cerujaće čhave thaj e Joavešće phrale: “Ko džala manca tele ande Saulesko tabor?”

“Me džava tusa”, phendas o Avišaj.

7Gajda o David thaj o Avišaj e raćava đele ando vojno tabor thaj dikhline e Saule sar sovel maškare ando tabor, a o koplje sas zabime ande phuv paše lesko šoro. Oko leste pašljonas o Avner thaj e vojska.

8O Avišaj phendas e Davidešće: “Ađes o Del predaisarda tuće ćire dušmano ande vas. Zato muk man akana te pusavav les e kopljesa thaj o koplje kroz leste probil dži ke phuv samo jekhvar kana dava les dab lešće kopljesa. Aver drom či ni trubula.”

9Ali o David phendas e Avišaješće: “Na te mudares les! Ko tromal te vazdel o vas pe GOSPODESKO pomazaniko, a te na avel došalo? 10Hav solah e džude GOSPODEJA, korkoro o GOSPOD dela dab e Saule bilo te avel godova kana avela e vrjama te merel ili kana džala ande borba thaj avela mudardo. 11Ali na de, GOSPODE, te me vazdav o vas pe ćiro pomazaniko! Nego, le akana o koplje savo si paše lesko šoro thaj o vrčo e pajesa, pa hajde te džastar.”

12Askal o David lijas o koplje thaj o vrčo e pajesa save ačhenas paše Saulesko šoro, pa vo thaj o Avišaj đeletar. Khonik či dikhla len thaj khonik khanči či džanglas pale godova, niti vareko džungadilo. Savora sovenas, kaj o GOSPOD ćerda te peren ando handuk suno.

13Askal o David nakhlo pe okoja rig thaj lija pe opre po vrho e bregosko, savo sas majdur katar e Saulesko tabor.

14Thaj čhuta muj e vojskaće thaj e Avnerešće, e Nerošće čhavešće: “Avnere, javi tu!”

A o Avner phendas: “Ko san tu thaj sostar uznemiris e caro?”

15A o David phendas: “Naj san li muško? Ko si tuće ravno ando Izrael? Sostar či lijan sama pe ćiro gospodari o caro? Vareko avilo te mudarel les. 16Naj tuće lačhe godova so ćeres. Hav solah e džude GOSPODEJA, tu thaj ćire manuša zaslužin smrto kaj či line sama pe tumaro gospodari, e GOSPODESKO pomazaniko. Dik kaj si e caresko koplje thaj o vrčo e pajesa savo sas paše lesko šoro?”

17O Saul pindžardas e Davidesko glaso, pa phučlas: “Dali si godova ćiro glaso, Davide, čhaveja mungreja?”

A o David phendas: “Ej, godova si mungro glaso, gospodarina, carona mungreja.”

18Askal phendas: “Gospodarina, sostar progonis man, ćire slugo? So ćerdem tuće thaj savo bilačhipe andem tuće? 19Moliv tut, čho mande akana kan, gospodarina mungreja. Ako o GOSPOD potaknisardas tut protiv mande, umilosivila les e žrtva. Ali, ako godova ćerdine e manuša, neka aven proklete anglo GOSPOD! Kaj tradine man andar e phuv savi o GOSPOD dija man thaj phendine manđe te džav thaj služiv aver devlenđe. 20Na de te mungro rat perel pe phuv dur katar o GOSPOD. O Izraelosko caro sago kaj teljardas te rodel jećhe obično pišoma ili te lovil e divlje čiriklja pe planine.”

21Pe godova o Saul phendas: “Pogrešisardem! Bolde tut, Davide, čhaveja mungreja. Či majbut naudiva tuće kaj sas tuće ađes mungro trajo dragoceno. Čače ponašisajlem sago dilo thaj zurale but pogrešisardem.”

22O David phendas: “Ake e caresko koplje. Neka avel jek katar ćire manuša thaj lel les. 23O GOSPOD svakone nagradil prema lešći pravednost thaj vernost. Vi ako ađes o GOSPOD predaisarda tut ande mungre vas, či kamlem te vazdav o vas po pomazaniko e GOSPODESKO. 24Sago kaj sas ađes ćiro trajo dragoceno manđe, neka gajda mungro trajo avel dragoceno e GOSPODEŠĆE thaj neka izbavil man andar sa e nevolje.”

25Askal o Saul phendas: “Blagoslovime te aves, Davide, čhaveja mungreja! Sigurno sem kaj aveja uspešno thaj kaj ćereja bare dela.”

Pale godova o David đelo pire dromesa, a o Saul bolda pe ćhere.