Chergash New Testament
1. Samuilo 23
O David spasil o gav Keila
Kana e Davidešće phendine: “Eke e Filistejcurja napadnisardine e Keila thaj pljačkin e gumna e đivesa,” o David phučlas e GOSPODE: “Dali te džav te napadniv akale Filistejcen?”
A o GOSPOD phendas lešće: “Dža, napadnisar e Filistejcen thaj spasisar e Keila.”
Ali e Davidešće manuša phendine: “Amen sam ande dar vi akate ande Juda, a kozom samo e dar astarela men, ako džas ande Keila protiv e Filistejcurja.”
O David askal palem phučla e GOSPODE, a o GOSPOD phendas lešće: “Dža tele ande Keila, kaj predaiva tuće e Filistejcen ande vas.”
Gajda o David pire manušenca đelo ande Keila, napadnisarda e Filistejcen thaj lijas lendar lenđi stoka. O David zurale pobedisarda e Filistejcen thaj spasisarda e manušen save bešen ande Keila.
O David palem uspil te našel katar o Saul
Kana o Avijatar, e Ahimelehosko čhavo, našlo ko David ande Keila, andas pesa o rašajikano prusluko.
E Saulešće javisardine kaj o David avilo ande Keila, pa o Saul phendas: “O Del čhuta les manđe ande vas. O David zarobisarda korkoro pes kana dija ando gav savo si okružime e zidonenca thaj e čvrsto phandade kapijenca.”
Askal o Saul akhardas pire vojska te džal tele ande Keila thaj te opkolin e Davide thaj lešće manušen.
Kana o David ašundas kaj o Saul lačharel lešće bilačhipe, phendas e rašaješće e Avijatarešće: “An mande o rašajikano prusluko.”
O David phendas: “GOSPODE, Devla e Izraelosko, me, ćiro sluga, ašundem kaj o Saul kamel te avel ande Keila te uništil o gav zbog mande. Dali e manuša andar e Keila predaina man ande lešće vas? Dali o Saul avela sago kaj me ćiro sluga, ašundem? O, GOSPODE, Devla e Izraelosko, phen akava manđe, ćire slugašće.”
A o GOSPOD phendas lešće: “O Saul avela.”
Askal o David phučla: “Dali e manuša andar e Keila predaina man thaj mungre manušen ande Saulešće vas?”
A o GOSPOD phendas: “Predaina tumen.”
Pe godova o David thaj lešće manuša, save sas varekaj katar šov šela, đelinetar andar e Keila, pa stalno džanas andar jek than dži ko aver than. Kana o Saul ašundas kaj o David našlo andar e Keila, či đelo inća.
O David trajilas ande pustinjske skloništurja thaj ande planine ande pustinja Zif. O Saul rodelas les svako đes, ali o Del či dija e Davide ande lešće vas.
Dok o David sas ando Horeš, ande pustinja Zif, saznajisarda kaj o Saul teljarda te lel lesko trajo. O Jonatan, e Saulesko čhavo, đelo ko David ando Horeš thaj pomognisarda lešće te araćhel snaga ando Del.
O Jonatan phendas lešće: “Na dara, kaj či aresela tut o vas mungre dadesko e Saulesko. Tu aveja caro e Izraelosko, a me avava prvo dži tute. Godova džanel čak vi mungro dad o Saul.”
Von duj džene ćerdine maškar pende savez anglo GOSPOD. O David ačhilo ando Horeš, a o Jonatan đelo ćhere.
Varesave manuša andar o Zif avile opre ko Saul ande Giva thaj phendine: “O David garadol amende, ande skloništurja ando Horeš, po brego Hahila, južno katar o Ješimon. Zato, carona, av tele kana god kames, a pe amende si te das les ande ćire vas.”
O Saul phendas lenđe: “Neka o GOSPOD blagoslovil tumen zato kaj inćaren briga pale mande. Džan thaj sa još jekhar proverin. Saznajin kaj o David obično džal thaj ko okote dikhla les. Kaj, mothodine manđe kaj si zurale lukavo. Saznajin sa pale thana kaj garavel pe, pa aven mande kana sa pouzdano saznajina. Askal me teljarava tumenca. Ako si ande godova krajo, rodava les maškar sa e Judaće familije.”
Gajda von teljardine thaj đele katar o Saul ando Zif. O David thaj lešće manuša sas ande pustinja Maon, ande Arava, južno katar o Ješimon. O Saul thaj lešće manuša teljardine te roden les. Kana javisardine godova e Davidešće, vo fuljisto ando stenovito krajo thaj ačhilo ande pustinja Maon. Kana o Saul ašunda godova, teljarda ande pustinja te roden e Davide. O Saul džalas katar jek rig e planinatar, a o David thaj lešće manuša katar aver. O David siđarelas te našel katar o Saul, ali o Saul thaj lešće manuša opkolinas e Davide thaj lešće manušen te astaren len.
Ali jek glasniko avilo ko Saul thaj phendas: “Sigo av! E Filistejcurja napadnisardine e phuv!”
O Saul pe godova či rodelas majbut e Davide thaj teljarda pe Filistejcurja. Zato godova than akharen Sela-Hamahlekot.1 O David đelotar okotar ando En-Gedi, thaj garavelas pe inća ande skloništurja.
Source notes (1)
- Footnote Sela-Hamahlekot. Akava značil: “Stena našipe”.
Chergash New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.