1. Samuilo 2

E Anaći molitva e Devlešće

1Askal e Ana pomolisajli thaj phendas:

“Mungro ilo raduil pe ando GOSPOD.

O GOSPOD dija man pobeda.

Marav muj katar mungre dušmaja,

raduji man kaj spasisardan man.

2Khonik naj sveto sar tu, GOSPODE!

Osim tute naj khonik!

Naj Stena sago kaj si amaro Del!

3Na ćeren majbut svato oholo,

neka e barikane alava či inkljen andar tumaro muj,

kaj o GOSPOD si Del savo džanel,

vo meril e manušenđe dela.

4E ratnikonenđe o luko phađol,

a e slabe zuravon.

5Okola save sas čaljarde akana mučin pe palo mangro,

a okola save sas bokhale majbut naj bokhale.

Okoja savi naštik bijanelas bijanda efta,

a e dej bute čhavenđi ačhela korkoro.

6O GOSPOD mudarel, ali vi džudarel.

Ando them e mulengo peravel thaj okotar inkalel.

7O GOSPOD o čorpe thaj o barvalipe del,

ponizil, ali vi uzvisil.

8E poniznen vazdel andar o praho,

a e čoren andar e čik.

Čhola len te bešen paše paše knezurja

thaj odredila lenđe počasne thana.

E GOSPODEŠĆE si e temelja e phuvjaće,

pe lende čhuta e phuv.

9Pe pire verne lel sama kaj god te koračin,

a e bilačhe propadnin ande tama,

kaj o manuš či pobedil pire snagava.

10O GOSPOD phađel pire protivnikonen,

andar o nebo pe lende grmil.

O GOSPOD sudil katar o krajo dži ko krajo e phuvjako.

Pire carošće del snaga

thaj pire pomazanikošće pobeda.”

11O Elkana bolda pe ćhere ande Rama. A o čhavro Samuilo služilas e GOSPODEŠĆE tale Elijesko rašajesko nadzor.

O bezah e Eliješće čhavengo

12E Eliješće čhave, e rašaja, sas bilačhe manuša save či pindžarenas e GOSPODE. 13Von gajda ćerenas e themesa: Kana vareko prinosilas žrtva, još dok o žrtveno mas ćirolas, e rašajesko sluga avelas e viljuškasa ando vas 14thaj lasa pusavelas ande piri ili ande šerpa thaj sogod pusardas pe viljuška, o rašaj lelas pale peste. Gajda ćerenas sa Izraelconenca save avenas ando Šilo.

15Čak vi majsigo nego so sas o žrtvuime mas ćirado, e rašajesko sluga avelas thaj phenelas e themešće save prinosinas žrtve: “Den e rašaješće o mas te pećel les. Vo či prihvatila o ćirado mas nego samo sirovo.”

16Ali ako vareko phendasas: “Neka prvo ćiradol o žrtvuime mas, a askal le sogod kames”, o sluga phendasas: “Na! De man odma! Ako či kames, lava les silava!”

17O bezah akale terne čhavengo sas zurale baro anglo GOSPOD, kaj e prezirosa ponašinas pe prema e žrtva savi prinosilas pe e GOSPODEŠĆE.

O Samuilo barjola ande Devlesko Svetište

18A o čhavro Samuilo služilas e GOSPODEŠĆE lačhardo ande laneno rašajesko prusluko.

19Lešći dej svako brš suvelas lešće cikno ogrtači thaj anelas le lešće kana pire romesa avelas te prinesil bršešći žrtva.

20O Eli askal gajda blagoslovisarda e Elkane thaj lešće romnja: “Neka o GOSPOD del tut još čhavra katar akaja romnji, te nadoknadil tuće akale čhavre saves manglas ćiri romnji ande molitva thaj dija les e GOSPODEŠĆE.”

Pale godova boldinesas pe ćhere.

21O GOSPOD smiluisajlo e Anaće, pa palem šaj ačhili phari. Gajda bijanda još trin čhaven thaj duj čhejen.

A o čhavro Samuilo barjolas anglo GOSPOD.

O Eli opomenil pire čhaven

22O Eli, savo sas već zurale purano, ašundas so sa ćeren lešće čhave e Izraelconenđe thaj kaj soven e manušnjenca save ćeren bući po ulaz e GOSPODEŠĆE Šatoresko. 23Zato phendas lenđe: “Sostar ćeren godova? Katar sa o them ašunav pale tumaro bilačhipe. 24Na gajda, čhavalen mungralen, kaj naj lačhe godova so ašunav kaj ćerel pe svato maškar e GOSPODESKO them. 25Ako o manuš grešil protiv o manuš, o Del lela pes pale leste. Ali, ako o manuš sagrešil protiv o GOSPOD, ko lela pes pale leste?”

Ali von či čhutine kan ke lesko dad, zato o GOSPOD odlučisarda te mudarel len.

26A o čhavro Samuilo barjolas thaj steknilas e GOSPODEŠĆI thaj e manušenđi naklonost.

E GOSPODEŠĆI kazna pe Eliješći familija

27Jekhvar jek e Devlesko manuš avilo ko Eli thaj phendas lešće: “Agajda phenel o GOSPOD: ‘Či li me objavisajlem ćire pradadešće e Aronešće dok još sas ando Egipat thaj robuilas e faraonešće? 28Katar sa e Izraelošće plemenurja, zar či izabirisardem ćire pradade te avel mungro rašaj, te prinosil žrtve pe mungro žrtveniko, te del jag o kado thaj te inđarel pe peste rašajesko prusluko? Ćire pradadešće familijaće dijem o mas katar sa e žrtve paljenice save prinosinas e Izraelcurja. 29Sostar askal či poštuis mungre žrtve thaj mungre darurja, sago kaj zapovedisardem pale akava Boravište? Sostar ćire čhavenđe sikaves majbari čast nego manđe? Thuljon kaj han e majlačhe kotora katar svako žrtva savi prinosil manđe o them.’

30Zato o Del e Izraelosko phenel: ‘Obećisardem kaj ćiri familija sago vi ćire pradadešći familija zauvek služina manđe.’ Ali akana o GOSPOD phenel: ‘Dur katar godova! Dava čast okolešće ko man častil, a preziriva okolen save man prezirin. 31Avel e vrjama kana lava tutar e snaga thaj e snaga katar ćiri familija, gajda kaj ande ćiri familija či avela ni jek purano manuš. 32Dićheja e nevolje ande mungro prebivalište. E Izraelošće avela lačhe, ali ande ćiri familija majbut či avela ni jek purano manuš. 33Poštediva samo jećhe pale tute, te služil ke mungro žrtveniko, ćire jakha te koravon katar o roipe thaj ćiri duša te uvenil, a sa aver ćire potomkurja merena ande majlačhe brš.

34Okova so avela ćire duje čhavenca, e Hofnijasa thaj e Pinhasasa, avela tuće znako: liduj avena mudarde isto đes. 35A me manđe vazdava verno rašaje, savo ćerela okova so si manđe pe volja thaj po ilo. Zurarava lešće familija thaj vo dži ko veko služila angle mungro pomazaniko. 36Sa save ačhena andar ćiri familija avena te poklonin pe lešće palo rupuno lovoro ili palo kotor mangro. Molina les te odredil lenđe varesavi rašaješći služba, te avel len kotor mangro te han.’ ”