1. Samuilo 1

E Samuilesko bijandipe

1Sas jek manuš andar o Ramatajim-Cofim, andar e Efremešće gore. Akhardolas Elkana, sas katar o pleme e Efremesko, thaj sas e Jeroamesko čhavo, savo sas Elihuesko čhavo, savo sas Tohuesko čhavo, savo sas Cufesko čhavo. 2E Elkane sas duj romnja: jek romnji akhardolas Ana, a aver Penina. E Penina sas čhavra, ali e Ana nas čhavra.

3O Elkana svako brš džalas andar piro gav ando gav Šilo te poklonil pe thaj te prinesil žrtva e GOSPODEŠĆE pe vojske. Okote o Hofni thaj o Pinhas, e duj Eliješće čhave, sas e GOSPODEŠĆE rašaja. 4Kana god o Elkana prinosilas e žrtva e Devlešće, delas po jek kotor mas pire romnjaće e Peninaće thaj sa laće čhavenđe thaj čhejenđe, 5a e Anaće delas po duj kotora, kaj volilas lat. Vi ako laće o GOSPOD či dija te avel lat čhavra. 6Pošto e Ana o GOSPOD či dija čhavren, laći suparnica e Penina stalno pakostilas e Anaće, kaj e Peninaći namera sas te uzrujil lat. 7Gajda sas svako brš: kana teljarenas ando Šator e GOSPODESKO, e Penina gadići pakostilas e Anaće, kaj e Ana ačhilisas te rovel thaj našti ni te halas.

8Lako rom o Elkana phučla lat: “Ana, sostar roves? Sostar či has? Sostar san tužno? Zar me či značiv tuće majbut katar deš čhave?”

9Jekhar, nakon so haline thaj piline ando Šilo, e Ana uštili.

A o rašaj Eli bešelas pe piri stolica paše ko ulaz ando Hramo e GOSPODESKO.

10E Ana, sa očajno bare jasvenca, molilas pe e GOSPODEŠĆE 11thaj zavetuisajli lešće agajda: “GOSPODE pe vojske, moliv tut, dik pe mungri muka thaj de tut gođi mande thaj na bistar man – ćire sluškinja. Ako des man muško čhavro, me, GOSPODE, dava les tuće pale sasto lesko trajo, thaj e britva či naćhela prekal lesko šoro.”

12Voj dugo molilas pe anglo GOSPOD, a o Eli dićhelas pe lako muj. 13E Ana molilas pe ande peste – ćerelas e vuštenca, ali lako glaso či ašundolas. O rašaj o Eli gindisarda kaj si mati, 14zato phendas laće: “Dži kaj matoja? Muk tut katar e mol.”

15Askal e Ana phendas lešće: “Naj godova, gospodarina, nego sem očajno. Či pilem ni mol ni aver pimo savo matarel. O pharipe andar mungro ilo phendem anglo GOSPOD. 16Na dik pe mande, pe ćiri sluškinja, sago pe bilačhi romnji. Molisajlem akate zbog mungri bari muka thaj žalost.”

17O Eli phendas laće: “Dža ando miro thaj neka o Del e Izraelosko del tut okova so lestar manglan.”

18Voj phendas: “Neka me, ćiri sluškinja, arakhav milost ande ćire jakha.”

Askal voj đeli pire dromesa thaj lijas vareso te hal, pa lako muj nas majbut žalosno.

19Thejara đes uštile rano, poklonisajle e GOSPODEŠĆE, pa boldine pe ćhere ande Rama. O Elkana sutas pire romnjasa e Anava, thaj o GOSPOD dija pe gođi late. 20E Ana ačhili khamni thaj kana avili e vrjama, bijandas čhaves. Dija e čhavres alav Samuilo1 thaj motholas: “Rodem les katar o GOSPOD.”

E Ana del e Samuilo e Devlešće

21Kana posle godova o Elkana đelo pire saste familijava te prinesil bršešći žrtva e GOSPODEŠĆE thaj te izvršil piro zavet, 22e Ana či đeli lesa, već phendas pire romešće: “Čim prestaniv te pravarav e čhavores pe čuči, anava les anglo GOSPOD kaj okote ačhela sasto piro trajo.”

23A lako rom o Elkana phendas laće: “Ćer sar gndis kaj si majlačhe. Ačh ćhere dok či prestanis te pravares e čhavores pe čuči. Neka o GOSPOD pomognil tut te ispunis ćiro obećanje.”

Gajda ačhelas ćhere te pravarel e čhavores pe čuči dok či odbisarda les katar e čuči. 24A kana ačhili te pravarel e čhavre pe čuči, inđarda les dok još sas ciknoro ande GOSPODESKO Šator ando Šilo. Lija pesa jećhe junco katar trin brš, deš kile aro thaj jek meho mol.

25Kana dine čhurjasa e junco, e čhavores andine ko rašaj o Eli, 26kašće e Ana phendas: “Te aves džudo, gospodarina. Me sem okoja manušnji savi ačhelas akate paše tute thaj molila pe e GOSPODEŠĆE. 27Molisajlem pale akava čhavro, thaj o GOSPOD dija man so rodem lestar. 28Zato akana dav les e GOSPODEŠĆE, neka avel e GOSPODESKO sasto piro trajo.”

Askal o Elkana okote poklonisajlo e GOSPODEŠĆE.