1. Samuilo 13

O Saul izneveril e Devle

1Ande godoja vrjama o Saul vladilas jek brš.

A kana vladilas ando Izrael duj brš, 2losarda pešće trin milje Izraelconen. Katar lendar duj milje sas lesa ando Mihmas thaj ando gorje oko o Betel, a jek milja e Jonatanesa ande Giva e Venijaminešći. A e resto manušen bičhaldas ćhere. 3O Jonatan napadnisarda o filistejsko tabor ande Geva thaj e Filistejcurja pale godova ašundine. O Saul kamla te sa e Izraelcurja ašunen so dogodisajlo thaj zapovedisardas te pe sasti phuv zatrubil pe ande šnga. 4Gajda o sasto Izrael ašunda kaj o Saul napadnisardas o filistejsko tabor. Akana o Izrael zamerisajlo e Filistejenđe. Zbog godova o them sas akhardo te pridružil pe e Saulešće ando Gilgal.

5E Filistejcurja ćidine pe te napadnin o Izrael – trijanda milje borbene vordonenca, šov milje manušenca pe grasta thaj e vojnikonenca save sas gadići but sago pesko pe morsko obala. Inkljistine thaj utaborisajle ko Mihmas, istočno katar o Bet-Aven. 6Kana e Izraelcurja dikhline kaj si ande nevolja, thaj kaj lenđi vojska sas okružime katar sa e riga, garadine pe ande pećine, maškar e stene, ande hvja thaj ande bare hainga. 7Varesave Izraelcurja čak nakhline prekal e reka Jordan, ande Gadošći thaj e Giladošći phuv. O Saul još sas ando Gilgal, a sa lešći vojska izdralas e daratar. 8Vo ažućardas efta đes, sar odredisardas o Samuilo, ali kana o Samuilo či avilo ando Gilgal, lešći vojska lelas pe te džaltar.

9O Saul phendas: “Anen manđe žrtva paljenica thaj žrtva palo zajedništvo.”

Thaj prinesisardas žrtva paljenica. 10Ali samo so prinesisardas e žrtva paljenica, areslo o Samuilo.

O Saul inkljisto angla leste te pozdravil les, 11a o Samuilo phučla les: “So ćerdan godova?”

O Saul phendas: “Kana dikhlem kaj mungri vojska lel pe te džaltar, thaj kaj tu či aves sar phendam, thaj kaj e Filistejcurja ćiden pe ando Mihmas, 12gndisardem: ‘Akana e Filistejcurja navalina pe mande ando Gilgal, a me či rodem e GOSPODEŠĆI naklonost.’ Zato gndisardem kaj moraš te prinesiv žrtva paljenica.”

13O Samuilo phendas lešće: “Dilipe ćerdan kaj či poštuisardan e zapovest savi o GOSPOD, ćiro Del, dija tut. Te poštuisardanas, o GOSPOD pale uvek zurjardasas ćiri carsko vlast ando Izrael. 14Ali akana ćiri carsko vlast či održila pe. O GOSPOD rodas pešće manušes savo si pe lešći volja thaj čhuta les palo vladari pire themešće, kaj tu či poštuisardan e GOSPODEŠĆI zapovest.”

15Askal o Samuilo đelotar andar o Gilgal pire dromesa. Okova them so ačhilo e Saulesa teljarda andar o Gilgal ande Giva e Venijaminešći, ando susret e ratnikonenđe. O Saul džinada len – sas oko šov šela manuša. 16O Saul, lesko čhavo o Jonatan thaj e vojska savi sas lenca ačhiline ande Giva Venijaminešći, dok e Filistejcurja sas utaborime ando Mihmas. 17Askal trin grupe pljačkaša inkljistine andar o filistejsko tabor: jek teljarda karig e Ofra paše ke phuv Šual, 18aver teljarda karig o gav Bet-Horon, a e trito teljarda karig e granica katar savi šaj dićhol e dolina Cevoim thaj e pustinja.

19Ando sasto Izrael našti araćhelas pe ni jek kovači, zato kaj e Filistejcurja phendine: “Gadava sprečila e Hebrejen te ćeren mačurja thaj koplje.” 20Zato sa e Izraelcurja džanas tele ke Filistejcurja kana trubujine te naoštrin e plugurja, e motike, tovera, thaj e srpurja. 21Molas ohto gramurja rup te naoštril pe o plugo thaj e motika, a štar gramurja rup te brusil pe e vila, o tover thaj te nasadil pe e špicasto rovlji pale guruva. 22Gajda dogodisajlo te po đes kana sas e bitka ko Mihmas nijećhe katar e vojnikurja save sas e Saulesa thaj e Jonatanesa nas ando vas ni mačo ni koplja. Sas samo e Saule thaj lešće čhave e Jonatanes.

O Jonatan napadnil o filistejsko tabor

23Jek filistejsko grupa inkljisti prema o klanco ko Mihmas.