1. Samuilo 12

O Samuilo jartol pe katar o them

1O Samuilo phendas saste Izraelošće: “Čhutem tumende kan thaj ćerdem sa so mangline. Čhutem tumenđe care. 2Akana si tumen caro te vodil tumen. Me sem već purano thaj sedo, no mungre si čhave tumenca. Vodivas tumen katar mungro ternipe pa sa dži akana. 3Ake taman! Phenen anglo GOSPOD thaj anglo caro saves odabirisarda ako si tumen vareso protiv mande. Dali lijem varekastar guruve ili magarco? Dali varekas hohadem ili tradem varekas pe varesoste? Dali varekastar lijem mito te phandavav jek jak pe nepravda? Phenen ako vareso katar godova ćerdem. Nadoknadiva e šteta.”

4A o them phendas: “Či hohavejas men niti tradejas men pe varesoste. Niti varekastar vareso lijan.”

5O Samuilo phendas: “O GOSPOD si manđe svedoko angle tumende, a svedoko si ađes vi o caro saves odabirisardas, kaj či arakhline manđe nisošći doš.”

A von phendine: “Ej, o GOSPOD si svedoko.”

6Askal o Samuilo phendas e themešće: “O GOSPOD si godova savo izabirisarda e Mojsija thaj e Arone thaj tumare pradaden inkalda andar o Egipat. 7Zato pristupin akana akate te optuživ tumen anglo GOSPOD thaj dav tumen gođi pe sa e bare dela save o GOSPOD ćerda pale tumende thaj tumare pradada.

8O Jakov avilo ando Egipat. Majposle e Egipćanurja ćerćarenas o trajo lešće potomkonenđe pa von zavapisardine e GOSPODEŠĆE palo pomoć. O GOSPOD askal bičhaldas e Mojsije thaj e Arone save inkaldine len andar o Egipat thaj andine len ande akaja phuv. 9Ali von bistardine e GOSPODE, pire Devle, thaj vo dija len ande vas e Sisrešće, e zapovednikošće e hacorske vojskaće. Predaisarda len isto vi ande vas e Filistejenđe thaj e moavske carošće. Savora von ratuinas protiv tumare pradada. 10Von askal zavapisardine e GOSPODEŠĆE thaj phendine: ‘Grešisardam kaj muklam e GOSPODE thaj služisardam e Vaalenđe thaj e Astartenđe. Izbavi men andar e vas amare dušmajenđe, pa služisa tuće.’ 11Askal o GOSPOD bičhalda e Gedeone, Varake, Jeftaje thaj man, e Samuile. Izbavisarda len andar e vas tumare dušmajenđe save sas oko tumende, pa tumen trajinas ando miro.

12Ali, kana tumen dikhline sar o amonsko caro Nahaš džal pe tumende, phendine manđe: ‘Na, kamas te pe amende vladil o caro’, vi ako si tumaro caro o GOSPOD, tumaro Del. 13Akana si tumen caro saves rodine thaj izabirisardine. Ake, o GOSPOD dija tumen care. 14Ako avela tumen dar thaj poštovanje katar o GOSPOD, ako služina lešće thaj pokorina tumen lešće, ako inćarena e GOSPODEŠĆE zapovedi thaj ako tumen thaj vi tumaro caro sledina e GOSPODE, tumare Devle, avela tumenđe lačhe. 15Ali, ako či čhona kan ko GOSPOD thaj ako bunina tumen protiv lešće zapovedi, askal o GOSPOD avela protiv tumende thaj protiv tumare pradada.

16Samo ačhen mirno thaj dićhen o baro delo savo o GOSPOD ćerela angle tumare jakha. 17Naj li ađes žetva e đivešći? Akharava e GOSPODE te bičhalel e gromurja thaj o bršnd, pa džanena thaj dićhena savo baro bilačhipe ćerdine anglo GOSPOD kana mangline caro.”

18O Samuilo zavapisarda e GOSPODEŠĆE thaj o GOSPOD godova isto đes bičhaldas e gromurja thaj o bršnd.

Sa o them zurale darajlo katar o GOSPOD thaj katar o Samuilo, 19pa phendine e Samuilešće: “Pomoli tu e GOSPODEŠĆE, ćire Devlešće, pale amende, ćire slugende, te na meras kaj sa amare aver bezehenca dodaisardam vi o bilačhipe kana manglam care.”

20Ali o Samuilo phendas e themešće: “Na daran! Tumen ćerdine sa akava bilačhipe, ali na bolden tumen katar o GOSPOD, nego služin lešće tumare saste ileja. 21Na majbut klanjin tumen e beskorisne idolenđe. Von khanči naštik den tumen, niti šaj te spasin tumen, kaj si ništavne. 22Zbog piro baro Alav, o GOSPOD či odbacila pire theme, kaj sviđosajlo lešće te aven lešće. 23A so si dži mande, dur te avel mandar te grešiv protiv o GOSPOD gajda kaj či majbut moliv man pale tumende thaj kaj či sikavav tumen po lačho thaj ispravno drom. 24Samo, daran katar o GOSPOD thaj verno služin lešće tumare saste ileja. Dićhen save bare dela ćerda pale tumende! 25Ali, ako vi majdur ćerena bilačhipe, propadnina tumen thaj vi tumaro caro.”