1. Samuilo 11

O Saul pomognil e manušenđe ando Javeš

1[O Nahaš, o caro katar e Amoncurja, zlostavilas e Gadesko thaj e Ruvimesko pleme gajda kaj inkalelas sa lenđe muškarconenđe e desno jakh, a či delas te avel lenđe bilo ko ando pomoć. O Nahaš gajda inkalda e desno jakh svakone izraelošće muškarcošće istočno katar e reka Jordan. Ali efta milje lendar našline katar e Amoncurja thaj avile ando Javeš-Gilad.]1

Oko čhon đes kasnije, o Nahaš Amonco avilo thaj okružisarda o Javeš-Gilad.

E manuša andar o Javeš phendine lešće: “Ćer amenca savez, pa avasa ćire sluge.”

2Ali o Nahaš Amonco phendas: “Tumenca sklopiva savez samo ako svakonešće tumendar inkalav e desno jakh thaj gajda po sasto Izrael čhav ladžavo.”

3E starešine andar o Javeš phendine lešće: “De amen efta đes te bičhalas e glasnikonen ande sa izraelske krajurja, pa ako khonik či avel te spasil men, predaisaras men tuće ande vas.”

4Kana e glasnikurja avile ande Giva, kaj trajilas o Saul, thaj e phendine manušenđe so si ando Javeš, sa ando baro muj ačhiline te roven. 5A o Saul baš avelas andar e njiva e guruvenca.

O Saul phučla len: “So si akale themešće te gadići roven?”

Thaj von ćerdine lešće svato so phendine e manuša andar o Javeš.

6Kana o Saul godova ašunda, o Duho e Devlesko snažno fuljisto pe leste thaj astarda les e bari holji. 7Lijas jek paro guruva thaj čhinda len pe kotora, save prekal e glasnikurja bičhaldas ande sa izraelske krajurja e porukasa: “Agajda naćhena e guruva katar sa okola save či džan palo Saul thaj palo Samuilo.”

E dar e GOSPODESTAR astarda sa e themes, pa savora đele te ćiden pe sago jek. 8Kana o Saul đinada len ando Bezek, sas trin šela milje e Izraelcurja thaj trijanda milje Judejcurja.

9Askal phendine e glasnikonenđe save avile: “Poručin e manušenđe andar o Javeš kaj thejara mismere aresela tumenđe e pomoć.”

Kana e glasnikurja đeline thaj javisardine godova e manušenđe andar o Javeš, akala but raduisajle.

10Askal e manuša andar o Javeš phendine e Amonconenđe: “Thejara predaisarasa men tumenđe ande vas, pa ćeren amenca so god kamen.”

11Thejara o Saul podelisarda e vojska ande trin čete. Ande vrjama kana sas e detharinaći straža, dine ando tabor ke Amoncurja thaj mudarenas sa dži ko mismere. A askal okola save ačhile džude našline gajda kaj ni duj džene či ačhile zajedno.

O Saul proglasime palo caro

12Askal o them phendas e Samuilešće: “Ko okova motholas: ‘O Saul te vladil pe amende?’ Anen godole manušen, te mudaras len!”

13Ali o Saul phendas: “Ađes khonik či avela mudardo, kaj o GOSPOD ađes spasisarda o Izrael.”

14O Samuilo phendas e themešće: “Hajde džas ando Gilgal te okote čhutine e Saule palo caro.”

15Gajda sa o them đelo ando Gilgal, a okote anglo GOSPOD proglasisardine e Saule palo caro. Prinesisardine anglo GOSPOD žrtve palo zajedništvo, a askal o Saul thaj e Izraelcurja ćerdine baro slavlje.