1. Samuilo 10

O Samuilo pomažil e Saule

1Askal o Samuilo inkaldas e flašica e uljesa thaj čhorda les pe Saulesko šoro, čumida les thaj phendas: “O GOSPOD pomažisarda tut te aves vladari pe lesko Izraelsko them. [Vladija pe GOSPODESKO them thaj izbavija len andar e vas lenđe dušmajenđe save si oko lende. A akava avela tuće znako kaj o GOSPOD pomažisarda tut te aves vladari pe okova so si lesko:] 2Ađes kana džajatar mandar, malaveja duj manušen paše Rahiljako limori, ando Celcah, pe phuv e Venjaminešći. Von phenena tuće: ‘Arakhline si e magarice saven teljardan te rodes. Ćiro dad či gindil majbut pe lende, a akana vodil e briga pale tute thaj phučel: So si mungre čhaveja?’ 3A kana okotar teljares majdur thaj areses dži ke baro kaš savo akhardol Tavor, malaveja trin manušen save džan te slavin e Devlesa opre ando Betel. Jek inđarela trin buznjora, o dujto trin mangre, a o trito meho mol. 4Von pozdravina tut thaj ponudina tut duj mangre, save leja. 5Pale godova teljareja ando gav Giva e Devlešći, kaj si o filistejsko bojno tabor. Dok aveja paše pašo gav, malaveja e grupa prorokonen save fuljen katar e uzvišica thaj đilaben ande lire, daire, frule thaj harfe thaj prorokujin. 6Askal o Duho e GOSPODESKO snažno fuljela pe tute, pa vi tu lenca prorokuija thaj promenija tut ande aver manuš. 7A kana sa akala znakurja pherdona, ćer sa so gndis kaj trubul kaj si o Del tusa. 8Dža angle mande tele ando Gilgal, a me avava tute te prinesiv žrtve paljenice thaj e žrtve palo zajedništvo. Efta đes ažućar dok či avava tute thaj phenav tuće so te ćeres.”

O Saul e prorokonenca

9Čim o Saul bolda pe te džaltar katar o Samuilo, o Del promenisardas lesko ilo. Sa okola znakurja pherdile okova isto đes. 10Kana o Saul thaj lesko sluga aresline ande Giva, angle lende avili e grupa prorokurja. O Duho e Devlesko snažno fuljisto pe leste thaj vo teljarda te prorokuil lenca.

11Savora save pindžarenas les katar majsigo, kana dikhline les sar prorokuil e prorokonenca, phučline jek avres: “So godova dogodisajlo e Kisošće čhaveja? Dali si vi o Saul jek katar e prorokurja?”

12A jek manuš phendas: “Izgledil kaj si vo lengo vođa.”

Gajda nastanisarda e izreka: “Dali si vi o Saul jek katar e prorokurja?”

13Kana o Saul ačhilo te prorokuil, đelo pe uzvišica.

14E Saulesko kako phučla les thaj lešće slugo: “Kaj godova senas?”

O Saul phendas: “Te rodas e magarice. Ali kana dikhlam kaj naj len, đelam ko Samuilo.”

15E Saulesko kako phendas: “Moliv tut, phen manđe so o Samuilo phendas tuće.”

16A o Saul phendas pe kakošće: “Phendas amenđe kaj si e magarice arakhade.”

Ali či phendas lešće pale carsko vlast pale savi o Samuilo phendas lešće.

O Samuilo objavil kaj si o Saul caro

17O Samuilo akhardas e izraelske theme anglo GOSPOD ande Micpa, 18pa phendas lenđe: “Gajda phenel o GOSPOD, Del e Izraelosko: ‘Me e Izraelcen inkaldem andar o Egipat thaj oslobodisardem tumen andar e vas e Egipćanenđe. Oslobodisardem tumen vi katar sa aver thema save mučinas tumen. 19Ali tumen odbacisardine tumare Devle, savo oslobodilas tumen katar sa tumare nevolje thaj tumare muke. Phendine te čhav tumenđe caro te vladil pe tumende. Zato akana poredin tumen anglo GOSPOD prema e plemenurja thaj e familije.’ ”

20Askal o Samuilo akharda te pristupin sa e izraelske plemenurja, a e kockava sas odabirime e Venijaminesko pleme. 21Askal akharda te aven anglal sa andar e Venijaminesko pleme prema pire familije thaj e kockasa sas odabirime e Matriješći familija, a andar late e kockasa sas odabirime o Saul, e Kisesko čhavo. Ali kana rodine les, naštik te arakhline les.

22Zato palem phučline e GOSPODE: “Dali godova manuš već avilo?”

A o GOSPOD phendas: “Eke, garadilo maškar e vojno oprema.”

23Von prastajine thaj inkaldine les okotar. Kana ačhilo maškar o them, pale jek šoro sas majbaro savorendar.

24Askal o Samuilo phendas e themešće: “Dićhen e manuše saves odabirisardas o GOSPOD! Khonik naj lešće ravno ande sasto them.”

A sa o them čholas muj: “Neka trajil o caro!”

25Askal o Samuilo objasnisardas e themešće o pravo thaj e dužnost e carošći, pa ramosarda len po svitko, savo čhuta angle Kovčeg e GOSPODESKO1. Pale godova bičhalda e theme ćhere.

26Thaj o Saul đelo ćhere ande Giva, a lesa teljardas vi varesave vojnikurja saven dotaknisardas o Del.

27Ali varesave bilačhe manuša phendine: “So, akava spasila men?”

Thaj pošto mrzanas les, či andine lešće nisosko daro. A o Saul ačhilo lenđe pe godova.