Skip to content
BibleKenya

Roglai Bible Literal Text

Lu-ka 17

Vloh Pitrai đơp sì dơgrữq mơnuĩh mơgrũ nhũ: “Kaya ôh tũq halơi ôh hũ pleh tlah la dơgrữq pơnẽq ngãq ga sơnẽq sỗq, nữn dleh dlàr ga mơnuĩh halơi sì gãt tơpa nhũ ngãq sơnẽq sỗq kaya nữn! Viãq siàp vrơi ga mơnuĩh nữn mơyah làiq yơu sa voh lơsũc patơu hũ akãq tòp dar tơkuai nhũ, sì nhũ ãt prah tơmã tơsìq siàp rlao la luơi ga nhũ ngãq ga sơnẽq sỗq ga sa aràc mơnuĩh nĩ dơlãp dơgrữq mơnuĩh tìt nĩ. Iỡuq rơmiãq jàc rùp drơi! Mơyah làiq sa aràc pơnõq adơi sơai drơi sỗq dlàiq, iỡuq gơloh pơkhè mơnuĩh nữn; sì mơyah làiq mơnuĩh nữn mơvai tlàq dlàiq, iỡuq tơleh dlàiq ga nhũ. Bôh làiq mơnuĩh nữn sỗq dlàiq sì pơnõq adơi sơai tãl tơjuh bãc dơlãp sa harơi, sì tơjuh bãc gơlàiq mai wỡq đơp sì adơi sơai: ‘Hlãq mơvai tlàq dlàiq,’ nữn pơnõq adơi sơai kung ròq tơleh dlàiq ga nhũ!”

Dơgrữq mơnuĩh gơnuar pơđar drơ sì Yàc: “Lakơu pơtãl voh-tui ga pơnõq hlãq.” Vloh nữn, Yàc hẽ: “Mơyah làiq pơnõq adơi sơai hũ voh-tui drưh yơu sa asar savơi, nữn yơu tũq pơnõq adơi sơai đơp sì kayơu yãu nĩ làiq: ‘Hã iỡuq ãt vuĩq vẽq sì hũ pơla pãq ala tơsìq,’ sì nhũ nữn la iỡuq hmỡq sì tui pơnõq adơi sơai. Nữn asơi dơlãp pơnõq adơi sơai hũ mơnuĩh halỗt mãq nao lơ-oa hamã hẽla dlãc avo mưng blàc hamã mai wỡq nữn vloh pơđar nhũ: ‘Trôh dòq pãq ban sì bõc mư?’ Pa-vlữq wỡq, ôh iỡuq mơnuĩh pô ròq đơp sì nhũ: ‘Iỡuq pồq kaya ga kơu bõc, sì akãq kơ-iãng drơi duh vruãq kơu dơlãp tũq kơu bõc mơnhũm, vloh hadơi dơgrữq vruãq nữn, sơai hũ bõc mơnhũm’ yơh? Mơnuĩh pô nữn ôh mãq hatai ỡn ngai hagĩq sì mơnuĩh halỗt mơnãq kơyua nhũ song ngãq dơgrữq vruãq hũ hakơi pơđar, iỡuq lơĩh? Pơnõq adơi sơai kung yơu nữn, tũq halơi pơnõq adơí sơai iỡuq ngãq wil tãl dơgrữq vruãq ròq akhàt vrơi ga drơi, iỡuq đơp làiq: ‘Pơnõq hlãq la halỗt mơnãq ôh đang mang. Pơnõq hlãq ròq ngãq avih vruãq vloh kaya drơi iỡuq ngãq.’”

Vruãq tơviãq ròq trôh dơlãp tũq ãn nao jơlàt trôh pãq palơi Je-ru-sa-lem, nữn Pitrai nao gãt rơnuãi phũm pãq khrãh Sa-ma-ri sì Ga-li-le. Tũq Pitrai tơmã dơlãp sa palơi dih, hũ sa plôh aràc mơnuĩh ruãq aphũng trôh tồq ròq Pitrai, sì pơnõq nhũ dòq dữc pãq ơtah, sì pơnõq nhũ mãq pơnuaĩq đơp làiq: “Talơvãt pôgrũ Je-su, lakơu anĩt anar pơnõq hlãq.” Tũq iãq bôh pơnõq nhũ, Pitrai đơp sì pơnõq nhũ: “Iỡuq nao vẽq pa-tơviãq rùp drơi pãq anãq dơgrữq mơnuĩh gơnuar pioh kaya duh talơvãt.” Sì vruãq ròq tơviãq jỡc dơlãp tũq pơnõq nhũ nao, nữn pơnõq nhũ hũ sơchih avih. Vloh hũ sa aràc mơnuĩh dơlãp tơpuôl pơnõq nhũ, tũq bôh làiq drơi ròq hũ pakhơĩh, sơai mai wỡq, mãq sãp prõc sơuỗt mơyòp Yàc Pô Lơngĩq. Sơai pơviar rùp trỗt pãq tơkai Pitrai, ỡn ngai Pitrai. Sơai nữn la sa aràc mơnuĩh Sa-ma-ri. Nữn la, tũq hẽ wỡq, Yàc Je-su đơp: “Ôh iỡuq la avih sa plôh aràc mơnuĩh hũ sơchih yơh? Dòq salơpãn aràc mơnuĩh dih pãq halơi? Hayơu ôh bôh asơi mai wỡq lơvãt sơuỗt mơyòp Yàc Pô Lơngĩq lơniãu di mơnuĩh gah palơi lơniãu nĩ?” Vloh Pitrai đơp sì sơai nữn: “Iỡuq tơgùq dữc, sì nao vẽq. Voh-tui sơai hũ ròq pakhơĩh ga sơai.”

Tũq hũ dơgrữq mơnuĩh Pha-ri-si tơnĩa tũq halơi lơgar Yàc Pô Lơngĩq ròq trôh, Pitrai hẽ sì pơnõq nhũ, sì đơp: “Lơgar Yàc Pô Lơngĩq ôh trôh tui kaya pơlih ôh hũ thơu gơnĩt jỡc. Mơnuĩh aràc kung ròq ôh đơp: ‘Iãq nĩ, dòq pãq đĩ!’ hẽla ‘Nữn dih!’ Kơyua, iỡuq iãq vẽq, lơgar Yàc Pô Lơngĩq dòq pãq dơlãp pơnõq ung.”

Vloh Pitrai đơp sì dơgrữq mơnuĩh mơgrũ: “Ròq hũ dơgrữq harơi tũq sì pơnõq adơi sơai chơkhãq khiãng iãq bôh hũ sa dơlãp dơgrữq harơi Anàq Mơnuĩh hũ, nữn adơi sơai ròq ôh tũq halơi bôh jỡc. Nữn anàq mơnuĩh ròq đơp sì pơnõq adơi sơai: ‘Dih, dòq pãq dih!’ hẽla: ‘Nĩ, dòq pãq đĩ!’ Juơi nao trôh, kung juơi pagui tui pơnõq nhũ, kơyua yơu gơlia liãq gơchràq sơdah mưng rơnuãi phũm lơngĩq nĩ gơlia liãq trôh gah phũm lơngĩq dih, nữn Anàq Mơnuĩh kung ròq yơu nữn. Nữn kaya iỡuq chàc hlơu avih ga Pitrai la ãt lũ kaya pơđìq pơđua sì kađòc kơmlah tlàq mưng rài nĩ. Yơu vruãq ròq tơviãq jỡc yơu halơi dơlãp rài Nô-e, nữn nhũ kung ròq yơu nữn dơlãp rài Anàq Mơnuĩh hũ. Anàq mơnuĩh gãm dòq bõc, mơnhũm, pơhuãq, pa-khiãng, tãl trôh harơi Nô-e tơmã dơlãp ahòq, vloh ia blũc trôh sì pa-lơhiãq avih. Drưh, yơu vruãq ròq tơviãq jỡc dơlãp rài Lot hũ, anàq mơnuĩh gãm dòq bõc, mơnhũm, vlơi, pa-vlơi, dràq, pơla, vữq padỡc, nữn dơlãp harơi Lot tơviãq tlah mưng palơi Sô-đôm, nữn hajàt apôi sì kadir mưng lơngĩq trỗt, vloh pa-lơhiãq avih dơgrữq kaya. Vruãq tơviãq trôh tui pơnẽq yơu nữn dơlãp harơi Anàq Mơnuĩh pabôh tơviãq. Dơlãp harơi nữn, asơi dòq pãq dlòc pơvũc sàc sì kaya mơnã drơi dòq dơlãp sàc, nữn juơi trỗt mãq nhũ; sì drưh yơu nữn, asơi dòq pãq blàc hama nữn juơi mai mãq sigỡuq sì dơgrữq kaya ròq dòq wỡq. Iỡuq sadơr sơdiuq Lot hũ. Mơyah làiq mơnuĩh halơi duah pơnẽq rơmiãq kaya hadiuq drơi nữn ròq lơhiãq nhũ, nữn mơyah làiq asơi prah luơi nữn ròq dõc jỡc nhũ. Pôgrũ đơp sì pơnõq adơi sơai, dơlãp mơlãp nữn, ròq hũ dua aràc mơnuĩh đĩh sigỡuq sa voh chơnang. Sa aràc ròq va nao, dòq mơnuĩh dih hũ luơi wỡq. Ròq hũ dua aràc mơnuĩh kamơi dòq tỡuq sòq sigỡuq dơlãp sa voh lơsũc. Sa aràc ròq va nao, dòq mơnuĩh dih ròq hũ luơi wỡq.” [Dua aràc mơnuĩh dòq pãq blàc hama, sì sa aràc ròq va nao, mơnuĩh dih ròq hũ pioh luơi wỡq.] Sì tũq tồq pơnuaĩq, pơnõq nhũ đơp sì Pitrai: “Ơ Yàc, dòq pãq hlơi yơh?” Vloh nữn Pitrai pơđar pơnõq nhũ: “Rùp atơu mơtai pãq halơi, chĩp klàc kung ròq pơtõm pãq anĩh nữn.”

Roglai Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.