E-phe-sô 2

1Dòq vơnah pơnõq adơi sơai, la mơnuĩh mơtai dơlãp dơgrữq kaya sỗq dlàiq sì dlàiq dơnũh drơi, 2la dơlãp dơgrữq kaya sì hlơu dih, pơnõq adơi sơai song bõc dòq ngãq nao tui dun kơyua nĩ, tui mơnuĩh apãt akõq sì dơgrữq gơnuar chơnuãq pãq anĩh khrãh lơwah, nữn la vơngãq kamlai tũq nĩ ãn apãt akõq dơlãp dơgrữq pơnõq anàq tơcho ôh pãc-tui, 3nữn hlơu thrơi, dòq di khrãh pơnõq nhũ, avih tãl aràc pơnõq drơi kung ròq hadiuq dơlãp dơgrữq kaya hatai sơh rơlo rùp drơi hũ, ngãq nao dơgrữq kaya hãm khiãng rơlo rùp sì dlò sơnơng drơi. Tui rùp phuỗt drơi ưng ngãq, pơnõq drơi la anàq tơcho kaya ơnõc mơvai prõng hũ kung drưh yơu dơgrữq mơnuĩh tơmo. 4Nữn Yàc Pô Lơngĩq, la Pitao mơda gơnãp hatai anĩt duman, kơyua mưng kaya khiãng duman prõng rlao Pitrai hũ nữn Pitrai song khiãng duman pơnõq drơi, 5nữn tũq pơnõq drơi la dơgrữq mơnuĩh mơtai dơlãp kaya sỗq dlàiq drơi, nữn Pitrai ròq ngãq ga pơnõq drơi hadiuq sigỡuq dơlãp Yàc Dõc Pơ-tlah — nữn la gơnang mưng kaya anĩt nữn pơnõq adơi sơai song hũ dõc pơ-tlah — 6Pitrai ngãq ga pơnõq drơi hadiuq sigỡuq wỡq, sì dòq guh sigỡuq sì Pitrai vãq avih dơgrữq anĩh pãq dlòc lơngĩq dơlãp Yàc Dõc Pơ-tlah Je-su, 7pioh dơlãp dơgrữq rài jẽq trôh, Pitrai pơlih ràc tơviãq kaya mơda gơnãp ôh luôĩq kaya anĩt Pitrai hũ mưng kaya lơmuỡn siàp pơweh sì pơnõq drơi dơlãp Yàc Dõc Pơ-tlah Je-su. 8Kơyua mưng kaya anĩt, pơnõq adơi sơai hũ dõc pơ-tlah gơnang mưng voh tui, kaya nĩ ôh trôh mưng pơnõq adơi sơai, nữn la kaya vrơi soh Yàc Pô Lơngĩq hũ, 9ôh iỡuq kơyua mưng dơgrữq vruãq ngãq, pioh ôh sa aràc mơnuĩh halơi pơlih yeh drơi jỡc. 10Kơyua pơnõq drơi la vruãq ngãq mưng tơngãn Pitrai hũ, hũ chrơng pajỡc dơlãp Yàc Dõc Pơ-tlah Je-su ga dơgrữq vruãq siàp nữn Yàc Pô Lơngĩq song rơchãc hlơu pioh pơnõq drơi pơlih hadiuq dơlãp dơgrữq vruãq nữn.

11Kơyua yơu nữn, iỡuq sơdor wỡq halơu thrơi, pơnõq adơi sơai la vual vơla lơniãu dơlãp rơlo rùp, vual vơla hũ angãn la “ka-ôh ãt sìq kalìq” kơyua vual vơla hũ angãn la “song hũ ãt sìq kalìq” dơlãp rơlo rùp, mưng adãt tơngãn anàq mơnuĩh ngãq tơviãq, 12kơyua tũq nữn, pơnõq adơi sơai kađòc pa-chơlah sì Yàc Dõc Pơ-tlah, tũq kađòc luơi pãq gah lơniãu ơtah mưng tơpuôl Is-ra-el, sì la thuãi chrih pơweh sì dơgrữq pơnuaĩq hẽ grưh, nữn ôh hũ kaya chàc gơnang, kung ôh hũ Yàc Pô Lơngĩq dơlãp dun kơyua nĩ. 13Nữn, dơlãp Yàc Dõc Pơ-tlah Je-su, pơnõq adơi sơai, la dơgrữq mơnuĩh tũq hlơu thrơi gãm dòq ơtah, tũq nĩ ròq hũ va trôh jẽq gơnang di dơrãh Yàc Dõc Pơ-tlah hũ. 14Kơyua mĩn rùp phuỗt Pitrai la kaya salơnuãq pơnõq drơi hũ, la Pitao ròq ngãq ga avih dua tơviãq jỡc sa sì yah jơnãng kaya pa-chơlah, nữn la kaya sòq jơdrãq, dơlãp rùp phuỗt Pitrai, 15tũq ròq prah luơi voh-va dơgrữq kaya pơđar-va dơlãp dơgrữq pơnuaĩq ngãq gơnĩt, pioh ga Pitrai pơlih ngãq ga avih dua tơviãq jỡc yơu sa aràc mơnuĩh vơhrơu dơlãp Pitrai, padỡc tơviãq pioh ngãq jỡc kaya salơnuãq sigỡuq, 16sì pioh Pitrai pơlih ngãq salơnuãq avih dua gah sigỡuq sì Yàc Pô Lơngĩq dơlãp sa rùp phàp mưng kayơu pỡc, hadơi sì tũq pa-lơhiãq wãc rơsì kaya sòq jơdrãq pãq dlòc đỡn. 17Tũq Pitrai song trôh, Pitrai pơto akhàt kaya tơpãq lơngai ga pơnõq adơi sơai, la dơgrữq mơnuĩh dòq ơtah, sì kaya tơpãq lơngai vrơi ga dơgrữq mơnuĩh dòq jẽq, 18kơyua gơnang di Pitrai, avih dua gah nữn hũ gơnuar yàp nao jẽq dơlãp sa Yàc Vơngãq Sơđah pioh trôh sì Ama. 19Yơu nữn, pơnõq adơi sơai ôh dòq la thuãi chrih hẽla mơnuĩh lơniãu tơra. Pa-vlữq wỡq, pơnõq adơi sơai la mơnuĩh sa lơgar sigỡuq sì dơgrữq mơnuĩh gơnuar pơđar sơđah sì la sa aràc mơnuĩh dơlãp sàc anĩh Yàc Pô Lơngĩq hũ, 20kơyua song hũ vỡq padỡc pãq dlòc ranỡq dơgrữq mơnuĩh gơnuar pơđar hũ sì dơgrữq mơnuĩh gơnuar hwơr, tũq mĩn Yàc Dõc Pơ-tlah Je-su la patơu akiãc sàc, 21nữn dơlãp Pitrai, avih dơgrữq anĩh vỡq padỡc, tũq hũ ngãq salơnuãq sì gỡuq, nữn tơviãq jỡc sa voh sàc duh talơvãt sơđah dơlãp Yàc, 22sì kung dơlãp Pitrai, pơnõq adơi sơai hũ ngãq salơnuãq sigỡuq pioh ngãq jỡc anĩh dòq Yàc Pô Lơngĩq dơlãp Yàc Vơngãq.