जकरयाह 9

सेजारी राज्यगिन को नियाव

1हदरक देस को बारे मा परमेस्वर को कव्हयो गयो मोठी गोस्टी जोन दमिस्क नगर मा भी सेत; काहेका मानूसगिन अना इसरायल को सबच गोतगिन को निघा परमेस्वर को कन लगयो हुयो से, 1 2हमात को कन लक जोन दमिस्क नगर को जवर से, अना सूर अना सैदा को कन, यो ता लगत अक्कलवर सेत। 3सूर ना आपरो लाय एक किला बनायो, अना धूल को जसो खूरो अखीन सड़क को चिखल को जसो सोन्नो जमा करके रख्यो से। 4चोवो, परमेस्वर सूर देस ला दुसरो को हक मा कर देहेत, अना वोको घमन्ड ला तोड़ के सागर मा डाख देहेत; अना उ नगर ला स्तो, लक नास कर दियो जाहेत।2 5यो चोयके अस्कलोन डरहेत, गाजा मा दुख होहेत, अना एकरोन भी डरहेत, काहेका वोको आस टूटेत अना गाजा मा मंग राजा नही रहेत, अना अस्कलोन मंग उजड़ जाहेत। 6असदोद मा रहाडिया लोकगीन बसेत, यो तरीका लक मि पलिस्ती लोगहुन को घमंड ला तोड़ु। 7मि ओको टोन्ड मा लक खून सहीत जनावर मांस अना वोको दतकोड़ी लक घिरना को चीज हेड़ देऊ, तबा उन मा लक जोन बचयो रहेत, उ आमरो परमेस्वर को जन होहेत, अना यहूदा मा मुखिया जसो होहे, अना एकरोन को लोक यबूसी गिन को जसो बनहेत। 8आपरो घर को जवर डेरा करयो रहू, अना कोनी सतानवाला मंग उनको जवर लक नोको जाहेत, काहेका मी यो गोस्टी अबा भी चोवासू।

सिय्योन को आगामी राजा

9अवो सिय्योन लगत खुस सेव! ओ येरूसलेम नगर, जयजयकार कर, काहेका तोरो राजा तोरो जवर आहेत; उ नेक मानूस अना सूटकारा भेटयो सेत, उ नरम सेत, अना गाढव को बच्चा पर बस के आहेत। 10मी एपरेम को रथ अना येरूसलेम नगर को घोड़ा नास करहुँ लड़ाई को तीर धनुस तोड़ दियो जाहेत, अना वा रास्ट गीन लक सांती को गोस्टी करहेत; उ सागर लक समुंदर तकन अना फरात नद्दी लक धरती को दूर-दूर देस को सीवमेढ तकन सासन करहेत।3

परमेस्वर को लोकगीन को दूबारा इसतापना

11पिरभू कव्हासेत मोरी करार को रकत, को कारन मी ना तोरो कैदिगीन ला बिना पानी को खोदरा मा लक हेड़ लियो से।4 12ओ आस धरयो बन्दियो! किला कन फिरो; मी अज सांगसू का मी तुमी ला बदला मा दुगुनो सुख देहूँ। 13जब मी यहूदा ला आपरो लाय नवा लेहूँ, अना एपरेम ला धनूस लक भर देहु, अना ओ सियोन, तोरो टूरागीनला, ओ यूनान तोरो टुरा गीन को बिरोध उभो करके अना तोला बीर को तरवार जसो बना देहूँ। 14तबा यहोवा परमेस्वर उनको बीच वरता चोहेत, अना वोको तीर बिजली को घाई छूटेत; अना परमेस्वर यहोवा नरसिंगा फूँक के दक्सिन देस को आन्धड़ अना तुफान मा होयके जाहेत। 15सेनागिन को यहोवा ढाल लक उनला बचाहेत, अना वय अपरो बयरी को नास करहेत। अना गोफन को गोटा लक जीत लेहेत; अना वय पिके असो दागूड़ करहेत जसो लोक अंगूर को रस पिके करत सेत; अना वा असो बोहाए जसो कटोरा या होमन कुन्ड को कोनटा खून लक भरया जाहेत। 16वोना बेरा उनको परमेस्वर यहोवा उनला आपरो परजा को रूप मा सेरी मेन्ढी हेड़ जसो जानके उनला सूटकारा देहेत, अना वय मुकुट मनी ठयर के ओकी जमीन लक लगत वरता चमकतो रहेत।5 17वोको कितरो साजरो, अना कितरो सोभा ओकी होहे! वोको जवान अनाज खाय के, अना कुवारी गीन अंगूर को रस पिवके ताकतवर भई जाहेत।