जकरयाह 7

खोटो उपास को निन्दा

1तबा राजा दारा को चवथो साल को किसलेव1 नाव को नौवो महिना को चवथो दिवस ला, परमेस्वर को बचन जकरयाह को जवर पहुचयो। 2बेतेल वासीहुन ना सरेसेर अना रेगेम्मेलेक अना उनको मानूस ला एकोलाय धाड़यो होतो, का यहोवा लक बिनती करेत। 3अना सेनागिन को यहोवा को भुवन को याजक लक अना भविस्यवक्ता हुन लक भी यो पुसेत, “का हमला उपास करके रोवनो से, जसो का काही साल लक आमी करत आयो से, पाँचवा महीना मा भी करनो से?” 4तबा सेनागिन को यहोवा को यो बचन मोरो जवर आयो। 5“सब देस को लोकगीन लक याजक लक हुकूम देव, का जबा तुमी यो सत्तर साल को बीच पाँचवा सातवो महीना मा सोक-उपास करत आयो सेउ, तबा का तुमी सचमुच मा मोरो लाई करत होता? 6जबा तुमी जेवन करत होता, का तुमी आपरो लाय नही खावत होता, अना का आपरो लाय नही पिवत होता? 7का यो वाच गोस्टी नही से, जोन परमेस्वर को भविस्यवक्ता हुन को कन लक वोना बेरा जोरलक कव्हत होतो, जबा येरूसलेम नगर आपरो चारो कन को नगर को संग मा, धन अना चैन लक भरयो होतो, अना दक्सिन देस अना खाल्या को देस भी बसो होतो?”

हुकूम तोड़नो को कारन बंधुवाई मा जावनो

8तबा यहोवा को यो बचन जकरयाह को जवर पहुचयो। 9“सेनागिन को यहोवा परमेस्वर ना असो कव्हयो सेत यहोवा परमेस्वर खराई लक न्याय चुकानो, अना भाऊहुन एकमेक को संग पिरेम अना दया लक काम करो2।” 10बेवा, अनाथ परदेसी अना गरीब गीन पर अतियाचार नोको करो, तुमरो लक कोनी भी मानूस आपरो भाऊ बन्धु को लय आपरो दिलमा बुराई को कलपना नोको करने। 11पर उनना चित लगावनो नही होतो। अना हठ करयो, अना अपरो कान ला बंद कर लियो ताकी आयक नही सकेत।3 12पर उनना अपरो मन ला चकमक गोटा-सो बनाय लियो का वय वोना मोसे को नियम अना उन गोस्टी ला नही आयक सकबिन जोनला सेनागिन को यहोवा परमेस्वर ना आपरो आतमा लक जूनो जुग को भविस्यवक्ता हुन लक खबर धाड़यो होतो। यो कारन लक सेनागिन को यहोवा को कन लक उन पर बेझा गुस्सा भड़कयो। 13सेनागिन को यहोवा को यो बचन से, “जसो मोरो चिल्लाके कव्हन पर उनना नही आयकिन, वसोच उनको चिल्लाके कव्हन पर मी भी नही आयकू; 14पर मी उनला उन सब लोक गीन को बीच जेनला वय नही जानासेव, आँधड़ लक तितर-बितर कर देहिन। अना उनको देस, उनको मंघा असो बिरान पडयो रहेत, का वोना मा कोनी को आवनो-जावनो नही होहे; योच रिती लक उनना खुसाल देस ला मिटकाय दियो।”