जकरयाह 13

1वोना बेरा राजा दाऊद को घराना अना येरूसलेम नगर को रव्हासी को लाय पाप अना असूदपन धोवन को लाय एक बोहोतो हुयो पिझरा फूटेत। 2“सेनागिन को यहोवा को यो सबद आय, वोय बेरा मी यो देस मा लक मुरत गीन को नाव ला मिटकाय देहूँ, अना वय हेत मा नही रहेत, अना मी भविस्यवक्ता गीन अना बुरो आतमा ला यो देस मा लक हेड़ देहिन। 3अना अदी कोनी मंग भविस्यवानी करहेत, ता ओको माय-अजी जोन लक उ पयदा भयो, वोको लक कव्हेत, तु जित्तो नही बच सकासेत। काहेका तू ना यहोवा परमेस्वर को नाव लक खोटो कह्यो से, एकोलाय जबा उ भविस्यवानी करे, तबा ओको माय-अजी लक पयदा भयो ओला मार डाखेत।” 4वोना बेरा हर एक भविस्यवक्ता भविस्यवानी करके अपरो आपरो हाजरी लक सरमिन्दी, अना धोका देवन को लाई कम्बल को कपरा नही घालेत। 5पर उ कहेत, मी भविस्यवक्ता नही मी किसान मानूस सेऊ, काहेकि बचपन लक च किसानी करयो सेव। 6तबा ओको लक पुसयो जाहे, तोरी छाती मा यो घाव कसो भयो, तबा उ कहेत, “यो वय सेत, जोन मोरो पिरेमी को घर मा मोला भेटयो से।”

पिरभू को रखवालो ला मार डाकन को हुकूम

7सेनागिन को यहोवा को यो सबद आय, “ओ तरवार, मोरो चुनयो चरवाहा को मुखिया को बिरोध मा जोन मानूस मोरो परमेस्वर को सेत, वोको विरोध मा चल। तु ओनो रखवालो ला काप, तबा मेंढीगिन को हेड़ तितर-बितर भय जाहेती, अना लेकरा गीन पर मि आपरो हात लक दंड देहूँ”। 8यहोवा को यो सबद आय, का यो देस को सप्पा मानूस को दोन तिहाई मा मारया जाहे, अना बचया हुया एक तिहाई वोना मा बनयो रहेत। 9अना मी वोना एक तिहाई ला मी स्तो मा डाक के, खूरो सुध्द करहु अना सोन्नो को जसो परखूँ, वय मोरो नाव हाकलेत, अना मी उनको आयकू। मी उनलक कहुँ, यो मोरो परजा सेत, अना वय मोरो बारे कहेत “यहोवा मोरो परमेस्वर आय।”