भजनसंहिता 87

येरूसलेम को परसंसा मा

कोरहबंसी गीन को भजन

1वोकी नीव पवीतर परबत गिनमा से;

2अना यहोवा सिय्योन को बेसकड़ु लक याकूब को सप्पा

रव्हन को जाघा लक बढ़के माया राखासे।

3ओ परमेस्वर को नगर, तू आयक

तोरो बारे मा महीमा को गोस्टी कह्यो गयो से।

4मी आपरो ओरखन वालो लक रहब अखिन बेबीलोन को भी चरचा करयो से।

पलिस्तीन, सोर अना कूस ला चोयो:

यो सियोन मा पैदा हुयो होतो1

5अना सिय्योन को बारे मा यो कह्यो जाहे,

“इनमा लक हरेक को जलम उनमा भयो होतो।”

अना परम परधान आप च वोला पक्को राखे।

6यहोवा जबा देस-देस का लोगहुन को नाव लिख के मौज लेहे, तबा यो कहे,

“यो सियोन मा पैदा भयो से।”

7गवैये अना नाचन वाला दोनों कहेतिन,

“आमरो सबा सोता तोमा च पायो जासेत।”