भजनसंहिता 83

इसरायली को दुसमन को बिरूध पराजय को लाय पिराथना को गाना

आसाप को भजन

1होय परमेस्वर चुप नहि रव्ह;

होय परमेस्वर बहरा नोको रव्ह, अखिन ना सान्त रव्ह!

2काहेका चोव तोरा दुसमन उधम मचाय रह्यो सेत;

अना तोरो दुसमन ना डोका उभी करयो से।

3वोय चतुरायी लक तोरी पिरजा ला हानि को सहमती करत सेत,

अना तोरा छिपायो हुयो लोगहुन को बिरूध साजिस हेड़त सेत।

4उन ना कहिन, “आवो, आमी उनको असो नास करबीन का राज भी मिट जाहे;

अना इसरायल को नाव पुड़ो हेत मा नोको रव्हे।”

5उन ना एक मन होयकर साजिस हेड़ी सेत,1

अना तोरो ही बिरोध मा करार बाँधयो सेत।

6यो ता एदोम को तम्बू वालो अखिन इस्मायली,

मोआबी, अना हरगी,

7गबाली, अम्मोनी, अमालेक,

अना सोर समेत पलिस्तीन सेत।

8इनको संग मा अस्सूरी भी मिल गयी सेत;

उन लक भी लूत बन्सी गिनला सहारो मिल्यो से।

9इन लक असो कर जसो मिधानी गिन लक2

अना किसोन ओघर मा सीसरा अखिन याबीन लक कियो होतो,

10वोय एनदोर मा नास भयि गयी,

अखिन माती मा सड़ गयो।

11इनको रहीस कुल हीन को लोखहुन ला ओरेब अना जेएब सरीखो3,

अखिन सबा परधानगिन को जेबह अना सल्मुन्ना को जसो कर देहे,

12जेना कहिन होतिन,

“आमी परमेस्वर को चरायो का चरोखर की जघा मा कब्जा कर लेव।”

13ओ मोरो परमेस्वर इनला माटीया को धूली,

यो वारा लक उड़ायो हुयो भूसा को जसो कर देहे।

14ऊ स्तो को जसो जोन जंगल ला भसम करा से,

अखिन ऊ धगाड़ी को जसो जोन पहाड़गिन ला जलाय देसे,

15तू इनला आपरी आँधड़ लक भगाय देहे,

अना आपरो माटीया लक घबराय देहे!

16इनको टोन्ड ला बेझा सरमिन्दा कर,

का ओ यहोवा यो तोरो नाव ला ढूँढेत।

17यो हमेसा लाय सरमिन्दा अना घबराया हुया रहेत,

इनको टोन्ड कारो होहे, अना इनको नास होय जाहे,

18जेको लक यो जाने का केवल तू जोको नाव यहोवा से,

सप्पा धरती को वारता परम परधान से।