भजनसंहिता 43

मुक्ति को लाय पिराथना

(भजन 42 को बचयो हिस्सा )

1ओ परमेस्वर, मोरो नियाय कर अखिन

अन्यायी राज को सेवक लोख लक मोरो मुकद्दमा लड़

मोला छली अखिन कुटिल मानूस लक बचाव।

2परमेस्वर, तूच मोरो आसरा आस कायलय तून मोला छोड़ दियोस?

कायलय मी दुसमन को अत्याचार को कारन दुख को कपरा घाल के,

मारो-मारो हिन्डसू

3आपरो परकास अखिन आपरी सच्चाई ला धाड़

वय मोरो रास्ता ला चोव्हेत वय च मोला तोरो पवीतर पहाड़ी मा

अखिन तोरो रव्हन वारो जघा मा पोहोचाहेत।

4तब मी परमेस्वर को बेदी पर,

आपरो लगत खूसी को पिझरा परमेस्वर को जवर जाहुँ।

ओ परमेस्वर, मोरो परमेस्वर मी वीना को संग तोरी स्तुति करुँ।

5ओ मोरो पिरान, तू कायलय बियाकुल से ?

कायलय तू हिरदय मा असान्त से?

ओ मोरो पिरान, तू परमेस्वर की आस कर;

मी आपरो उध्दार को, आपरो परमेस्वर को मंग लक धन्यवाद करहु।