भजनसंहिता 41

रोगी मानूस को लय पिराथना

परधान बजानवालो को लाय दाऊद को भजन

1धन्य से ऊ मानूस जोन कंगाल की धियान करा से।

पिरभू मुसिबत को दिवस वोला बचाहेत।

2यहोवा ओकी रक्सा करके ओको जिन्दो राखेत,

अखिन धरती पर भाग्यवान होहेत।

तू वोला दुसमन की इच्छा पर नोको छोड़ेत।

3पिरभू ,तू ओला रोग को बेरा पर सहारा देवासे

;तू ओको सबरी रोगहीन ला दूहूर करासे,

अखिन वोला साजरो कर देवासे।

4मी न कहो, “हे यहोवा, मोरो पर दया कर;

मोला चंगा कर ,काहेकि मी ना तोरो च बिरुद पाप करयो सेऊ।”

5मोरो दुसमन यव कव्ह से मोरी बुराई कर से “ऊ कबा मरेह

अखिन ओको नाव कब मिटहे।”

6जब ऊ मोरो लक भेटन आव्ह से,

तब ऊ बेकार कि बूरो गोस्टी सांग से,

जब कि ओको मन आपरो भीतर अधरम को गोस्टि जमा करासेत।

अखिन बाहेर जायके ओकी गोस्टी करा से।

7मोरो सब बयरी मिलके मोरो खिलाप खुसूरपूसूर करासे।

वय मोरो ही खिलाप कोरी हानि की योजना बनावासे।

8ऊ येव कव्हासे “कोनी अधरम को राज रोग ना वोला जकड़ लियो से।

अबा जोन इता पडयो से ता मंग कभ्भू नही उठेत।”

9मोरो घन्नो साजरो मीत, जेको पर मीने भरोसा करयो होतो,

जोन मोरी भाकरी खाई होती, उनना मोरो खिलाप लात उठायो से।1

10पर ओ यहोवा, तू मोरो पर दया करके

मोला उठाय, का मी उनको बदला देऊ।

11मोरो बयरी जोन मोरो लक जीत नही सकेत,

जोनको लक मी जान लियो सेऊ का तू मोरो लक खुस सेत।

12मोला तो तूना खाराई मा सम्भालासे,

अखिन हमेसा को लाय आपरो मोहरा पक्को करा से।

13इसरायल को परमेस्वर यहोवा आब लक आखरी बेरा तक धन्य से।

आमीन,अखीन आमीन