भजनसंहिता 36

मानूस की दुस्टता

परधान बजानवालो कोलाय यहोवा को दास दाऊद को भजन

1दुस्ट जन को हिरदा मा अपराध बोल से।

उनको डोरा मा परमेस्वर को भेव च नहात।

2वय आपरी परसनसा खुदच करासे

का ओको तिस्कार करन को लाय ओको अधरम परगट नहीं करयो जाय सका से।

3उनको गोस्टि ,झूठो, छल ,अना बूरो दुस्टता लक भरयो से, वोय अबा अक्कल ,अना भलाई को काम नही करासेत।

4उ आपरो हतरन मा पड़यो-पड़यो अनरथ की योजना बनावासेत।

उ आपरो बुरो रास्ता पर सजरो लक बनयो रव्ह से बुराई लक उ हात नहीं झीकासेत।

परमेस्वर को साजरोपन

5हे यहोवा, तोरी करूना सरग मा से,

अखिन तोरी सच्चाई बादल को वारता से।

6तोरो न्यायपन ऊच्चो पहाड़ को जसो से,

तोरो नियम अथाह सागर ठयरो से;

हे परमेस्वर, तू मानूस अखिन जनावर दुही की रक्सा करा से।

7हे परमेस्वर, तोरी करूना कसी अनमोल से।

मानूस को सन्तान तोरो पंखगिन को खाल्या सरन लेवासे।

8वय तोरो घर को सबरी लोख जेवन लक दाहा जाहेत।

तू उनला आपरी सुख को नद्दी लक पिलावा जोस।

9काहेकी जिन्दगी को पिझरा तोरो च कठासे।

तोरो उजाड़ लक आमला उजाड़ो भेंटासे।

10आपरो जानन वारो हीन पर करूना करासे।

अखिन आपरो नेकपन को काम सीदो मनवारो मा करत रव्ह।

11घमन्डी लोखहुन ला मोरो पर नोको हमला करन देय, या दुस्ट लोख मोला नोको खदेडनो पाय।

12उता अनरथ कारी पड़ गयो सेत,

मंग उभो नहि होय सकत।