Powari Standard Project
भजनसंहिता 24
महीमामय राजा
(दाऊद को भजन)
धरती अखिन जोन काही वोमा सेत यहोवा च को आय, 1
जगत अखिन ओको मा रव्हन वारो भी।
काहेकि ओना च ओको पाया समुंदर गिनको वरता पक्को करके ठेयो से,
अखिन मोठी नद्दीहुन को वरता पक्को करयो से।
यहोवा को पहाड़ पर कोन चघ सका से?
अखिन पवीतर जघा मा कोन उभो होय सका से?
उ जेनको हात को काम निरदोस अखिन हिरदय सूद्द से
उ जोन ना आपरो मनला बेकार को गोस्टि मा नही लगावासे,
उ जोना कपट लक कसम नही खासे।2
उ यहोवा को कन लक आसीस पाहे,
अखिन आपरो सूटकारा देवन वालो परमेस्वर
को कन लक न्यायी ठयरेत।
असोच लोख वोला तपासा सेत।
वय तोरो दरसन को खोजी याकूब बंसी सेत।
हे बेसकुड़, आपरो डोस्का ऊच्चो करो
ओ सनातन कि किवाड़, ऊच्चो होय जाव
काहेकि महीमा को राजा आवन वारो से।
उ महान राजा कोन से?
परमेस्वर जोन सक्तिसाली अखिन ताकतवर से,
परमेस्वर जोन लड़ाई मा परमबीर से।
हे बेसकुड़, आपरो डोस्का उच्चो करो
हे सनातन को किवाड़, तुमी भी उघड़ जाव
काहेकि महान राजा धसेत।
उ महान राजा कोन से?
सेनाहीन को यहोवा, वोच महान राजा आय।
Source notes (2)
- Cross-reference परकासित वाक्य 7:17
- Cross-reference मत्ती 5:8
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.