भजनसंहिता 16:11

बिस्वास को पिराथना

(दाऊद को मिकताम )

1ओ परमेस्वर मोरो रक्सा कर,

यकोलाय मी तोरो च सरन मा सेव।

2मी न परमेस्वर ला कह्यो, “तू च मोरो परभु आस,

तोरो बगेर मोरी भलाई कहीं नहात।”

3धरती मा पवीतर लोकच मान को लायक से,

अखिन उनको लक मी खुस रव्हुसु।

4जोन परायो देवता को मंघा परावासेत

उनको दुख बढ़ जाहे

मी उनला खून को अरघ1 नहीं चघाऊ

अखिन उनको नाव आपरो ओठ लक नहीं लेहु।

5यहोवा, मोरो हिस्सा अना मोरो हिस्सा आय,

मोरो हिस्सा ला तू पिक्को करासेत।

6मोरो लाय नाप को दोरी मनभावन जघा मा पड़यो

अना मोरो हिस्सा मन भावनो से।

7मी धन्य यहोवा की स्तुति करासू, काहेका

ऊ मोरो रास्ता चोववन को काम कर से,

अखिन रात मा मोरी अक्कल ला सलाह देवासे।

8मी हरामेसा परमेस्वर कि हाजरी मा रव्हसू ,

अखिन कोनी भी चीज़ मोला हिला नहीं सकेत।2

9अखिन एकोलक मी आभारी सेव अखिन खुस सेव।

मोरो आत्मा भी चयन लक रव्हेत।

10कायकी तु ना मोला मरनो को ताकत लक बचायो से,

मी ना ईमानदारी लक तोरो सेवा करीसेव,

अना तू मोला मरनो को दुनिया मा नोको छोडजोस।3

11तू मोला जीवन को रास्ता चोवावजोस

तोरो जवर खुसी भरपूर से,

तोरो उज्जो हात मा सुख हरामेसा बनयो से।4