Powari Standard Project
भजनसंहिता 136
धन्यवाद को भजन
यहोवा को धन्यवाद करो,
काहेका उ भलो से, अना वोको वाचा निस्ठा करूना हरामेसा को सेस।
जोन देव गिनको पिरभू से,
वोको धन्यवाद करो।
वोको वाचा दया हरामेसा को से।
जोन पिरभूहीन को पिरभू आय,
ओको धन्यवाद करो ओकी दया हमेसा करयो से।
वोला सोड़के कोनी मोठो-मोठो
अचरज को काम नही करासेत,
वोको वाचा निस्ठा सदा को सेत।
वोना आपरो अक्कल लक बादल बनायो
वोको वाचा निस्ठा हरामेसा को से।
जोनना धरती अना पानी ला वरता ठयरायो से
वोको वाचा निस्ठा सदा को से।
वोना मोठो-मोठो उजाड़ गिनला बनायो,
वोको वाचा निस्ठा हरामेसा को से।
अना दिवस मा सासन करन को लाय
दिन ला बनायो वोको वाचा निस्ठा सदा को से।
अखीन रात मा सासन करन को लाय
चन्दा अना तारागिन ला बनायो।
वोको वाचा निस्ठा हरामेसा सदा को से।
वोना मिसरी गिनको पहेलोठा ला मारो,
वोको वाचा निस्ठा हरामेसा को से।
अना उनको बीचमा इसराइली गिनला हेडो,
वोको वाचा निस्ठा हरामेसा को से।
बलवान हात अना बढायो हुयो भुज्जा
लक हेड़के लायो, वोको करूना सदा को से।
वोना लाल समुंदर ला खन्डा-खन्डा कर दियो,
वोको वाचा निस्ठा हरामेसा को से।
अना इसरायल ला वोको बीचमा पार कर दियो
वोकी वाचा निस्ठा हरामेसा को से।
अना फिरोन ला सेना समेत लाल समुंदर मा
डाख दियो वोको वाचा निस्ठा सदा को से।
उ आपरो परजा ला मरु लेके चलयो,
वोको वाचा निस्ठा हरामेसा को से।
वोना मोठो-मोठो राजा ला मारयो,
वोको वाचा निस्ठा हरामेसा का से।
वोना परतापी राजा गिनला भी मारो,
वोको वाचा निस्ठा हरामेसा को से।
एमोरी गिन को राजा सीहोन ला,
वोको वाचा निस्ठा हरामेसा कोसे।
अखिन बासान का राजा ओग ला मार डाको
वोको वाचा निस्ठा हरामेसा को से।
अखिन वोको देस को हिस्सा होन को लाय
वोको वाचा निस्ठा हरामेसा को से।
अपरो दास इसराइली गिनला हिस्सा होनको लाय दे दियो।
वोको वाचा निस्ठा हरामेसा को लाय से।
वोना आमरो दुरदसा मा आमरो सुधि लियो
वोको वाचा निस्ठा हरामेसा को से
अना अमीला दुस्मन गिनलक सोडायो से
वोको वाचा निस्ठा हरामेसा को से।
वा पिरानी गिनला खाना देवासेत।
वोको वाचा निस्ठा सदा को से।
सरग को परमेस्वर ला धन्यवाद करो,
वोको वाचा निस्ठा हरामेसा को से।
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.