Powari Standard Project
भजनसंहिता 125
परमेस्वर आपरो लोगहुन को ताकत
जोन यहोवा मा भरोसा ठेवासेत,
वोय सिय्योन परबत को जसो,
जोन हर हमेसा को लाय बनयो रव्हासेत, उ टलत नहि
जोन पिरकार लक येरूसलेम को चारीकन पहाड़ी सेत,
येना पिरकार लक यहोवा आपरी पिरजा को चारीकन
अबा लक लेयके हर हमेसा को लाय बनया रहेत,
दुस्ट गिनको राजदन्ड नेक मानूस गिनको हिस्सा पर बनयो नही रहेत,
असो नोको होय का नेक मानूस आपरो कुटिल काम को कन बढाव!
ओ यहोवा, भलों को
अखीन सीदो मनवालों को भला कर!
पर जोन मुरक के तेडो रास्ता मा चलतो सेव,
उनला यहोवा अनरथ करनवालो को संग हेड देहेत!
इसरायल ला सांती मिलेत!
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.