Powari Standard Project
भजनसंहिता 124
परमेस्वर आपरो लोख गिनको रक्सक से
दाऊद को यातरा को गाना
इसरायल असो कहे,
का अदि आमरो कन यहोवा नही होतो,
यदि यहोवा वोना बेरा आमरो कन नही होतो
जब मानूस गिन न आमरो पर चघाई कियो,
तो अमी वोच बेरा जिन्दो अमीला वय गिटक लेतीन,
जब उनको गुस्सा आमरो पर भडको होतो,
अमी वोच बेरा पानी मा बूड़ जातो
अना धार मा बोहाय जातो। 1
परचन्ड उमड़तो2 पानी मा
हमी ओनी बेरा ही बोह जासेत।
धन्य से यहोवा,
जोना अमिला उनको दाँत गिनको खाल्या
जावन नही दियो!
आमरो जीव पक्सी को जसो चिड़ीमार को
जाल लक सूट गयो,
जाल फट गयो, अमी बचके हिटयो!
आमरो सायता वोच को नाव लक होवासेत
यहोवा जोन बादल अना धरती को बनावन वारो से।
Source notes (2)
- Footnote मूल मा, नद्दी आमरो जियान को वरता लक जावासेती।
- Footnote मूल मा गरबीला
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.