Powari Standard Project
भजनसंहिता 118
जीत लायी धन्यवाद पिराथना
यहोवा को धन्यवाद करो,
काहेका ऊ भलो से,
वोकी करूना हरमेसा को से।1
इसराइल कव्हे,
वोकी करूना हरमेसा को से।
हारून को घरानो कहे,
वोकी करूना हरमेसा को से।
यहोवा लक भेव मानन वाला कव्हो,
वोकी करूना हरमेसा को से।
मीना संकट मा परमेस्वर ला हाकलयो से,
परमेस्वर ना मोरी आयक के, मोठो जाघा
मा मोला धाड़यो से।
यहोवा मोरो संगा से,
मी नही डराहू, मानूस मोरो का कर सका से?
यहोवा मोरो संग मोरी मदद कन लक से,
मी अपरा बैरीगिन कन जीत की निघा करहुं।
यहोवा की सरन लेवनो,
मानूस पर भरोसा राखन लक साजरो से।
परमेस्वर की सरन लेनो, सासकगिन पर
भरोसा राखन लक चोखो से।
सब राज गिनना मोला घेर लियो से,
पर यहोवा को नाव लक मी उनला नास कर डाखु।
वय गिन ना मोला घेर लियो से,
पर मी यहोवा को नाव लक
मी उनला नास कर डाखु।
वय गिन ना मोला मोहरस जसो घेर लियो से,
पर वय काटा को इस्तो जसो बुझ गयो से,
मी यहोवा को नाव लक
पक्को मा नास कर डाखु।
मोला पाड़न लायी ढकल ता दियो होतो,
का मी पड़ जाऊ,
पर यहोवा ना मोरी मदत करयो से।
पिरभू मोरी सक्ति अना गावन को बिसय से,
ऊ मोरो उध्दार ठहरयो से।
न्यायीपन को तम्बुगिन मा जय-जयकार
अना उध्दार को अगाज आवासे।
परमेस्वर को ऊजो हात लक जीत का काम होसेत।
वोको ऊजो हात उच्चो भयो से,
यहोवा को हात लक जीत का काम होसेत।
मी मरन को नही पर जिन्दो रव्हुँ,
अना परमेस्वर काम को बखान करतो रव्हुँ।
परमेस्वर ना मोला लगत ताड़ना ता दियो से,
पर मोला मौऊत को बस मा नही करयो।
मोरो लायी न्यायी का किवाड़ उघाड़ो,
मी वोको जायके यहोवा को धन्यवाद करहुं।
यहोवा को दरवाजा योच से,
एको मा न्यायी जाहेत।
ओ यहोवा, मी तोरो धन्यवाद करहुं,
काहेका तुना मोरी आयक लियो से,
अना तु मोरो उध्दार ठहरयो से।
जेना कामदार गिन ना गोटा ला बेकार ठहरायो होतो,
वय कोनो की नींव को गोटा बन गयीन।
असो ता यहोवा लक हुयो से,
यो आमरी निघा मा चमत्कार से।
आज को दिवस यहोवा ना बनायो से,
आमी वोको मा मगन अना खुस होवबिन।
होय यहोवा, आमी तोरो लक बिनती करा सेजन,
अमला बचाव! अमला जीत देवाव।
धन्य से ऊ जोन यहोवा को नाव लक आवासे,
आमीना ला तूमिला यहोवा घर लक तोला आसिरवाद दियो से।
यहोवा परमेस्वर से, वोना आमला उजाड़ो दियो से,
आपरो हातगिन मा डगाल ला लेयके तिहार मा बेदी को कंगुरा ला दोरीगिन लक सजाओ।
ओ यहोवा, तू मोरो परमेस्वर आस,
मी तोरो धन्यवाद करहुं, तोरो गुनगान करहुं।
यहोवा को धन्यवाद करो,
काहेका ऊ भलो से,
अना वोकी करूना हरमेसा बनयो रव्हे।
Source notes (1)
- Cross-reference 1 इतिहास 16:34; 2 इतिहास 5:13; 7:3; एज्रा 3:11; भजनसंहिता 100:5; 106:1; 107:1; 136:1; यिर्मयाह 33:11
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.