भजनसंहिता 116

मौऊत लक बचन पर परमेसवर को धन्यवाद

1मी पिरभू लक पिरेम राखु सेव,

काहेका वोना मोरी बिनती आयकी सेस।

2वोना जोन मोरो कन कान लगायो से,

एकोलायी मी जीवन भर वोला हाकलु।

3मौऊत की दोरी मोरो आस-पास होती,

मी पाताल मा संकट मा पड़यो होतो,

मोला दुख अना संकट सव्हनो पड़यो।

4तबा मीना यहोवा लक पिराथना करयो,

“ओ यहोवा, मोरी बिनती आयक के मोरी जान बचाय ले।”

5यहोवा न्यायी अना किरपा करन वालो से,

अना आमरो परमेसवर दया करन वालो से।

6यहोवा भोला लोख गिनकी रकसा करासे, जबा मी

दुरदसा मा होतो, ता वोना मोला बचायो से।

7ओ मरो पिरान, तू आपरो सुस्तान जाघा लवट के आव,

काहेका यहोवा तोरो पर उपकार करयो से।

8तुना ता मोरो पिरान ला मौऊत लक,

डोरा ला आंसु बोहन लक,

अना मोरा पायगिन ला ठेस लगन लक बचायो से।

9मी जिन्दो रव्हन तकन, यहोवा को सामुर चलतो रव्हुँ।

10मीना जो कह्यो से, भरोसा लक कह्यो से,

“मी ता लगत दुखी सेंऊ।”

11मीना जल्दी मा कह्यो, “सबा मानूस खोटा सेत।

12यहोवा ना जेतरा उपकार करयो से, वोको बदला

मा मी वोला काजक देऊ?”

13मी उध्दार को बटका उठायके,

यहोवा लक पिराथना करहुं।

14मी यहोवा का लोगहुन को सामुर मी पिरभू लायी

आपरी सबरी वादा ला पूरी करहुं।

15यहोवा की सेवक गिन की मौऊत,

वोको निघा मा अनमोल से।

16ओ यहोवा, आयक, मी ता तोरो सेवक सेउ,

मी ता तोरो सेवक- सेविका को टुरा आऊ।

तूना मोरा बन्धन उघाड़ दियो से।

17मी तोला धन्यवाद की बली चघाहुँ।

अना यहोवा लक पिराथना करहुं।

18मी यहोवा लायी अपरी वादा ला, ओकी सबरी

पिरजा लोखहुन को सामुर चोवाहुं।

19यहोवा को भवन को आंगन मा,

ओ येरूसलेम, तोरो भीतर पूरी करहुं।

यहोवा की बड़ाई करो।